«Замин»ни Telegram’да ўқинг! Join!
Zamin.uz
, 24 2020, 09:00
ЎЗO‘Z

Февраль ойида қайси ўзбекистонлик боксчилар жанг қилади?

16 янв, 20:38 518 Спорт
Февраль ойида қайси ўзбекистонлик боксчилар жанг қилади?
Жорий йилнинг дастлабки ойларида бир қатор профессионал боксчиларимиз ўз жангларини ўтказишади. Аввалроқ, январь ойида навбатдаги жангларини ўтказадиган юртдошларимиз ҳақида хабар бериб ўтган эдик. Бу сафар эса, февраль ойида ўзбекистонлик боксчилар иштирокида бўлиб ўтадиган жанглар ҳақида маълумот бермоқчимиз. Демак:

1 февраль, Хонобод (Андижон)
Жасурбек Латипов – TBA

Ушбу боксчимиз хаваскор боксда энг совриндорлардан бири саналади. Мазкур жанг унинг профессионал йўналишдаги дебюти бўлади. Унинг муҳим жангдаги рақиби тез орада маълум бўлади.

Достонбек Турдиев – Элвин Охунзода (Озарбайжон)
Эски танишлар... Улар октябрь ойида Тошкентда ўзаро тўқнаш келишган ва унда Турдиев очколар ҳисобига ғалаба қозонганди. Бу ўзига хос реванш жанги ҳисобланади.

Абдулазиз Нажмиддинов – TBA
Ёш боксчимиз профессионал рингда ғалабали юришини давом эттирмоқда. Келажакда у яхши натижаларга эришиши мумкин. Унинг мазкур жангдаги рақибига тез орада ойдинлик киритилади.

Отабек Турдихўжаев – Карен Аветисян (Россия)
Тажрибали, фаолияти мобайнида 40 дан ошиқ жанг ўтказган боксчига қарши дебютини нишонлайдиган Отабекдан ҳам яхши натижа кутиб қоламиз.

Тимур Мержанов – TBA
Ўсмирлар ўртасида Олимпиада совриндори бўлган ушбу ёш боксчимиз профессионал бокс оламига кириб келмоқда. Ҳозирча рақиб аниқ эмас. Лекин музокаралар давом этмоқда. Тез орада бунга ҳам аниқлик киритилади.

1 февраль, Калининград (Россия)
Рустам Тўлаганов – Норберто Добровский (Польша)

Рио Олимпиадаси совриндори узоқ танаффусдан сўнг, яна профессионал боксга қайтиб, дастлабки жангида муддатидан аввал ғалаба қозонганди. Бу сафар ҳам ундан зафарлар кутиб қоламиз.

Одил Арслонов -Жимми Вееб (ЖАР)
2019 йил Ўзбекистон чемпионлигини қўлга киритган Одилжоннинг иккинчи жанги жуда кучли рақиб билан бўлади. Жанубий африкалик чармқўлқоп устаси мағлубиятсиз одимлаган ҳолда, 6 та ғалабани қўлга киритган. Шундай бўлсада, юртдошимизнинг салоҳиятига шубҳа қилмаймиз. Гарчи, у икинчи жангини ўтказсада, унинг ғалабасига ишониб қоламиз.

Улуғбек Мубинов – Срджан Говедарица (Босния ва Герцеговина)
Аввалги йили +91 кг да мамлакат чемпионлигини қўлга киритган Улуғбек ҳам ушбу санада профессионал йўналишдаги дебют жангини ўтказади. Албатта, маҳоратли чармқўлқоп устаси бўлган ҳамюртимизнинг ғалабасига умид қиламиз.

8 февраль, Филиппин
Абдулҳай Шораҳматов – Бенжи Эбидо (Филиппин)

Абдулҳай ҳам профессионал йўналишда ўз дебютини нишонлайди. Ҳаваскор боксдаги фаолияти ёмон чиқмади. Ўз вазн тоифасида юртимизнинг кучли боксчилари сифатида эътироф этилиб келди. Энди эпопеяни профессионал йўналишда бошламоқчи.

14 февраль, АҚШ
Бектемир Мелиқўзиев – TBA

Бу боксчимиз ҳақида ортиқча таърифга ҳожат йўқ. Ҳозирда ушбу санада жанг қилиши белгиланган. Лекин рақиб ҳали маълум эмас. Аслида унга рақибнинг фарқи йўқ десак ҳам янглишмаган бўламиз.

Аҳмадбек Эшматов

“Замин” янгиликларини “Telegram”да кузатиб боринг
Мавзуга оид янгиликлар
  • Тошкентдаги профессионал бокс оқшомида кимлар жанг қилади? 04 дек, 17:30
  • Шаҳрам Ғиёсовнинг саккизинчи рақиби маълум бўлди 29 мар, 12:15
  • Фазлиддин Ғоибназаров: "Тажрибали чапақай боксчилар билан спарринг жанглар ўтказдим" 27 сен, 18:30
  • Уч нафар профессионал боксчиларимиз эртага навбатдаги жангларини ўтказишади 14 июл, 22:55
  • Рустам Тўлаганов Макгрегорга қарши жанг қилади 10 дек, 20:03
  • Сўнгги янгиликлар
  • Ҳарвард университети Қуръон оятини адолатнинг энг яхши эътирофи деб топди 24 янв, 08:28 130
  • Қўлга олинган шахслар ҳимояси учун янги лойиҳа ишлаб чиқилди 24 янв, 08:00 138
  • Украина аҳолиси рекорд даражада қисқариб бормоқда 24 янв, 07:31 546
  • Инсонга юқтирилган коронавируснинг дастлабки белгилари қандай? 24 янв, 07:01 584
  • Грейпфрут озишга ёрдам бериши мумкин 24 янв, 06:30 184
  • Ўзбекистондаги банкоматлардан 2019 йилда қанча пул ечиб олингани маълум қилинди 24 янв, 06:00 266
  • Бокира гўзаллик: Қорақалпоғистон саҳросидан мафтункор суратлар 24 янв, 00:23 893
  • "Умид авто лизинг" юзлаб фуқаролар умидини пучга чиқарди 24 янв, 00:02 1 245
  • Хитойдаги янги коронавирус манбаи аниқланди 23 янв, 23:40 1 976
  • Россия ва Беларусда ягона валюта қачон жорий этилиши маълум бўлди 23 янв, 23:20 966
  • Бўлимлар