«Замин»ни Telegram’да ўқинг! Join!
Zamin.uz
, 20 2020, 18:20
ЎЗO‘Z

Хабиб Нурмагомедов ва Тони Фергюсон жанги ғолиби ким бўлади? (Иккинчи қисм)

06 дек, 00:13 915 Спорт
Хабиб Нурмагомедов ва Тони Фергюсон жанги ғолиби ким бўлади? (Иккинчи қисм)
Хабиб Нурмагомедов ва Тони Фергюсон ўртасидаги жанг санаси аниқ бўлганлиги муносабати билан бир қатор спортчиларимиз, мутахассисларимизни ушбу қарама-қаршилик борасида кимнинг имконияти юқори эканлиги ҳақидаги фикрлари билан қизиқиб, биринчи қисмини эътиборингизга ҳавола этишга ҳам улгурган эдик. Бугун, ушбу сўровноманинг иккинчи қисмини тақдим этамиз.

Зарруҳ Адашев – ММА ( Bellator) жангчиси

- Хабиб ютади. Унинг жисмоний ҳолати жуда кучли. Фергюсон “стойка”да жанг қиладиганлар учун хавфли, Нурмагомедов эса ажойиб грэпплер. У Тонини қисиб, эзиб қўяди. Албатта, бу шахсий фикрим! Тонини устунлик жиҳати юқорида айтиб ўтганимдек, “стойка”да, кейин чарчамайди. Кевин Ли билан жанг қилганда, Кевин уни қийналмасдан йиқитган эди. Лекин чарчаб қолганлиги эвазига ютқазган. Хабибнинг жисмоний ҳолати ва кардиоси жуда кучли, шуни эвазига Фергюсонни чарчатиб қўяди. Тони мураккаб, кутилмаган, бир сўз билан айтганда миясига келган зарбаларни йўллайди. Лекин Хабиб у билан уришиб ўтирмайди ва ўз ишини бажаради. Хуллас, Хабибга унинг услуби ўтмайди.

Ҳумоюн Ибрагимов – ММА жангчиси (Туркиянинг “Strike fighting championship” промоушени етакчиси)

- Хабиб ва Тони ўртасидаги тўқнашув енгил вазн тоифасида UFC умуман ММА тарихидаги энг муҳим жанг бўлади. Ҳар иккиси ҳам жуда кучли жангчилар! Бу қарама-қаршиликда имкониятлар 60 /40 деб ўйлайман. Яъни, устунлик Хабибда бўлади. Чунки у “партер”да жуда мукаммал ва рақибларини жуда яхши назорат қила олади грэпплинг ва “ground and pound” ҳисобига ғалаба қозонади деб ўйлайман. Яъни баллар эвазига...Тонида ҳам имконият бор. Фақатгина Хабибнинг юзида жароҳат юзага келсагина ғалаба қозониш имконияти ошади. Чунки Нурмагомедов шу пайтгача юзидан жароҳат олмаган. Шундай ҳолат кузатилса, шошилиш ва ҳаяжон янада кўпайиб, хато қилиб қўйиш эҳтимоли катта. Агар ким ғалаба қозонади десангиз, Хабиб Нурмагамедов деб жавоб бераман.

Лиля Шакирова – ММА жангчиси(GFC чемпиони)

- Ҳар иккиси кучли жангчилар. Уларнинг қай бири ғалаба қозонишини аввалдан айтиб бўлмайди. Барчага маълум “стойка”да Фергюсон кучли, “партер”да эса Хабиб. Қисқаси ким ғалаба қозонишини октагон ҳал қилади.

Жасур Бойқўзиев – таэквондочи ( WTF Осиё чемпионати ва ўйинлари чемпиони, ЖЧ совриндори)

- Иккаласи учун ҳам осон жанг бўлмайди. Лекин Хабибда имконият юқори деган фикрдаман. Унга мухлислик қиламан ва ғалаба қозонишига умид қиламан!

Азамат Муродов – спорт журналисти

- Агар бу саволни менга жанг ташкил қилиш бўйича дастлабки келишувлар вақтида берганингизда иккиланмасдан Тони Фергюсонни фаворит сифатида кўрсатган бўлардим. Мен 3-4 йил олдинги вақтни назарда тутяпман. Аммо, биз иккала спортчи ҳам энг юқори спорт формасида бўлган ўша даврда бу жангни кўра олмадик, афсуски. 2020 йилда бешинчи уринишда ташкил этилиши кутилаётган жангда эса олдиндан бирор нарса дейиш қийин. Биринчидан бу вақтга келиб Фергюсон 36 ёшга тўлган бўлади. Албатта, баъзи спортчилар учун бу ёш унчалик катта бўлмаслиги мумкин. Аммо барибир 36 ёш бу ҳеч бўлмаганда 30-32 ёш ҳам эмаслигини унутмаслигимиз лозим.

Бежизга Фергюсон ушбу жангдан сўнг фаолиятини тугатиши ҳақида гапирмаяпти. Чунки у ўз организмини яхши билади ва тўхташ вақти келаётганини тушуниб турибди. Бу дегани биз бу жангда энг кучли Фергюсонни кўрмаслигимиз мумкин.

Юқорида санаган омилларим бу Хабибнинг устунлик томони. У рақибга нисбатан ёшроқ. Тонининг устун жиҳатларига тўхталадиган бўлсак, у ҳам "стойка"да ҳам “партер” ҳолатида яхши ишлай олади. Хабиб бир неча жангларда тик турган ҳолда жанг қилишга уриниб, сал қолса қийин аҳволга тушиб қолай деганини кўрдик. Дастин Порьега қарши сўнгги жанг ҳам бунга мисол. Шундан сўнг у курашга ўтди ва ғалаба қозонди. Аммо бу сафарги рақиб Порьедан фарқли равишда кураш тушишни ҳам билади. "Стойка"да эса Ҳабибдан анча кучли. Анча...

Хулоса қиладиган бўлсак, Тони шу куни жисмоний ҳолати идеал ҳолатда бўлса ва сўнгги жангига муносиб тайёрлана олса, ғалаба қозониши мумкин, акс ҳолда Хабиб мағлубиятсиз юришини давом эттириши катта эҳтимол. Шуниси аниқки, ҳозирча бу вазн тоифасида бир-бирига муносиб икки рақиб айнан шулар. Ҳабибни ютиш мумкин бўлса, фақат Тони буни уддалаши мумкин. Агар у ҳам уддалай олмаса, менимча яқин йилларда Хабибга тенг келадигани топилмаса керак.

Муҳаммадсалим Сотволдиев – профессионал боксчи (Ўзбекистон чемпионлик камари соҳиби)

- Шубҳасиз, диндошимиз бўлган Хабиб Нурмагомедовга мухлислик қиламан ва унинг ютишига ишонаман. Ўйлайманки, 18 апрель куни доғистонлик жангчининг қўли барча ишқибозларини хурсанд қилган ҳолда, баланд кўтарилади. Омад Хабиб!

Абдулазиз Нажмиддинов – профессионал боксчи

- Хабибда имконият юқори. У албатта ғалаба қозонади. Лекин жуда шиддатли жанг бўлади деган фикрдаман. Фергюсон ҳам оддий рақиб эмас. У жиддий қаршилик кўрсатади. Шундай бўлсада, Нурмагомедов уни мағлуб этишга қодир.

Аҳмадбек Эшматов

“Замин” янгиликларини “Telegram”да кузатиб боринг
Мавзуга оид янгиликлар
  • Хабиб Нурмагомедов ва Тони Фергюсон ўртасидаги жанг санаси маълум бўлди 26 ноя, 15:10
  • UFC президенти Нурмагомедовнинг кейинги рақиби ким бўлишини маълум қилди 08 сен, 12:55
  • Хабиб Нурмагомедов ва Конор Макгрегор вазн ўлчашди 06 окт, 14:15
  • Хабиб Нурмагомедов ва Конор МакГрегор жанги санаси маълум қилинди 17 июн, 14:57
  • Фергюсон-Нурмагомедов жанги ғолиби Макгрегорнинг камарини қўлга киритади 20 янв, 11:21
  • Сўнгги янгиликлар
  • Даврон Файзиев: Юрген Клоппнинг “1001 кеча” эртаги 20 янв, 17:45 77
  • Ливиядаги уруш: Берлин саммитида нималарга келишилди? 20 янв, 17:17 158
  • Президентнинг парламентга мурожаати 24 январь куни бўлади 20 янв, 17:00 153
  • Остон Ўрунов "Уфа"га ўтадими? Клуб бош директори бунга жавоб берди 20 янв, 16:43 243
  • Бугун "Пахтакор" Шомуродовнинг "Ростов" клуби билан ўртоқлик ўйини ўтказади 20 янв, 16:28 313
  • Россия бош прокурори Чайка лавозимидан кетди 20 янв, 16:18 408
  • Блогер Нафосат Оллошукурова Ўзбекистонни тарк этганини маълум қилди 20 янв, 15:58 851
  • Шавкат Мирзиёев: "Халқимиз менга энг катта унвон бериб бўлган" 20 янв, 15:37 396
  • Расул Кушербаев президентнинг нутқи ҳақида: «Бизнинг кейинги беш йиллигимизга етадиган энергия бўлди» 20 янв, 15:35 347
  • Ўзбекистонда долларнинг расмий курси пасайди 20 янв, 15:31 448
  • Бўлимлар