Футбол бутун дунё бўйлаб энг ривожланган спорт турларидан биридир. Дунё аҳолиснинг қарийб ярмидан кўпи ушбу ўйин турига мухлислик қилади. Шунинг учун футбол бўйича Жаҳон чемпионатларига атаб ҳар бир давлатларда бир-биридан катта ва кассабоп стадионлар қурилган. Бундай улкан стадионларга минглаб, миллионлаб мухлислар ташриф буюриши мумкин. Халқаро футбол бошқармаси ФИФАнинг маълумотларига кўра, 2000 йилда 250 миллионга яқин футболчилар мавжуд бўлиб, футбол мухлисларининг сони эса 1,3 миллиарддан ошган. 2010 йилги Жаҳон чемпионати мавсумида ўйинларни 3,2 миллиарддан ортиқ киши телевизор орқали томоша қилган. 2014 йилги Жаҳон чемпионати давомида ФИФА трансляция ҳуқуқидан 1,7 миллиард доллардан кўпроқ даромад олди. Келинг, дунёга машҳур футбол стадионларидан бир нечтасини кўриб чиқайлик:
1. 1-Май Рунградо стадиони- бу стадион Шимолий Кореянинг Пхеньян шаҳрида жойлашган бўлиб, дунёдаги энг катта футбол стадиони ҳисобланади. У 114 минглик томошабинни бемалол сиғдира олади. Ушбу стадион 1989 йилда қуриб битказилган бўлиб, у асосан футбол ўйинлари ва спорт мусобақаларида ишлатилади. Стадионнинг умумий майдони 207000 квадрат метрни ташкил қилади.
2. Мельбурндаги Крикет майдончаси- ушбу майдон нафақат крикет ўйинлари учун мўлжалланган, балки Австралиядаги футбол ўйинларига ҳам мезбонлик қилади. Бутун Шимолий Ярим шардаги энг катта стадион айнан шу бўлиб, уни ёритиш учун дунёдаги ҳеч бир спорт майдонида учрамайдиган ёритгич миноралар ўрнатилган. Мельбурн Крикет майдони 100024 ўринли мухлислар аудиториясига эгадир.
3. Камп Ноу- бу стадион ўзига 99354 мухлисни сиғдира олади. У Испаниянинг Барселона шаҳрида жойлашган бўлиб, «Барселона» футбол жамоасининг доимий ўйин майдони бўлиб хизмат қилади. Камп Ноу 1957 йилда қуриб битказилган. 1989 ва 1999 йилларда Европа кубоги, Қироллик кубоги, УЕФА Суперкубоги ва бошқа шу каби кўплаб миллий ва халқаро футбол тадбирларига Камп Ноу стадиони мезбонлик қилган.