Хабарингиз бор, Ўзбекистон миллий терма жамоаси ЖЧ-2022 2-саралаш босқичидан ўрин олган Саудия Арабистони ва Фаластинга қарши ўйинлар учун тайёргарлик кўрмоқда.Терма жамоамиз таркибида "Жар" стадионининг захира майдонида шуғулланаётган ярим ҳимоячиси Отабек Шукуров бўлажак учрашув олдидан ўз фикрлари билдириб ўтди.
- Олдимизда Саудия Арабистонига қарши жуда ҳам муҳим ўйин кутиб турипти. Ушбу баҳс икки жамоа учун ҳам жуда муҳим. Учрашувга жамоадаги барча жиддий тайёргарлик кўрмоқда. Насиб қилса, ғалаба қозонишга ҳаракат қиламиз.
Саудия Арабистони охирги жаҳон чемпионатида иштирок этган. Ўзим араб давлатида фаолият юритаётганим учун Суадияни жуда кучли жамоа деб кўп эшитганман. Шунинг учун рақибни ҳозирги кунда кучсизланиб қолган деб ўйламайман. Улар ҳам вазиятни тушуниб туришибди. Олдинда муҳим беллашув кутмоқда. Шунинг учун яхши ўйин бўлади.
Жамоадошларимнинг кайфияти аъло даражада. Ҳеч қандай йўқотишлар йўқ. Ўйинга барча тайёр, - деди Шукуров.
Эслатиб ўтамиз, Саудия Арабистонига қарши 14, Фаластин билан эса 19 ноябрь куни ўйин ўтказамиз.