«Замин»ни Telegram’да ўқинг! Join!
Zamin.uz
, 19 2019, 03:17
ЎЗO‘Z

«Мақсадимиз – гуруҳда биринчи бўлиш» — Фаластинга қарши ўйиндан олдин матбуот анжумани ўтказилди

04 сен, 18:18 898 Спорт
«Мақсадимиз – гуруҳда биринчи бўлиш» — Фаластинга қарши ўйиндан олдин матбуот анжумани ўтказилди
ЖЧ-2022 саралаш босқичининг Осиё минтақаси иккинчи раунд баҳслари доирасида 5 сентябрь куни ўтказиладиган Фаластин ва Ўзбекистон терма жамоалари учрашуви олдидан матбуот анжумани ташкил этилди. Унда Ўзбекистон миллий терма жамоаси устози Эктор Купер билан биргаликда жамоа ҳимоячиси Фаррух Сайфиев иштирок этди.

«Биринчи ўйин ҳамиша жуда муҳим аҳамият касб этади. Айниқса, саралаш ўйинларини 3 очко билан бошлаш жуда-жуда муҳим. Ўтказилган йиғин давомида мазкур ўйинга жиддий ҳозирлик олиб боришга ҳаракат қилдик. Ўйлашимча, бир қатор жиҳатлардаги камчиликларни яхшилай олдик. Мазкур ўйиндан ижобий натижа кутяпман.

Яна шуни алоҳида қайд этишим лозимки, гуруҳдаги ҳар бир рақиб – жиддий жамоа. Ҳар бир ўйинга жуда жиддий тайёргарлик кўришимиз талаб этилади. Лекин эртанги учрашувда фақат 3 очкони кўзлаган ҳолда майдонга чиқишимизни айта оламан.

Мақсадимиз – гуруҳда биринчи бўлиш. Бунинг учун биринчи галда ўз ўйинимизни яхшилашимиз, ўз ўйинимизни намойиш эта олишимиз лозим. Шунда рақиб зарур бўлса, бизнинг ўйинимизга қараб ҳаракат қилишга мажбур бўлади.

Жаҳон чемпионатига йўл олишимиз учун биринчи навбатда бутун жамоамиз бирлаша олиши ҳамда ўз кучимизга ишона олишимиз талаб этилади. Яъни ҳар бир футболчи олдинга қўйилган мақсадга эришишимизга ишона олса, шунда биз албатта ўз фалсафамиз бўйича давом этамиз ва якунда мақсадимизга эриша оламиз. Тўғри, Ўзбекистон ҳали мундиалга йўл ола билмаган. Лекин имконсиз нарсанинг ўзи йўқ. Бу гал биз мақсадга эришишимиз имкони бор. Фақат таркибдаги ҳамма ўз кучимизга ишона билиши лозим.

Жаҳон чемпионатига чиқишнинг ўзига хос сири ёки беркитадиган жиҳати йўқ. Бунинг учун жамоа ўз устида ишлашни тўхтатмаслиги ҳамда битта мақсад сари интилиши зарур», - дея Эктор Купернинг сўзларини келтирмоқда ЎФА сайти.

«Фаластин терма жамоаси охирги пайтларда анча яхши ўйин намойиш этяпти. Лекин бизни фақат ғалаба қаноатлантиради. Биз 3 очко учун майдонга тушамиз. Худо хоҳласа, уйга ғалаба билан қайтишга ҳаракат қиламиз», - деди Фаррух Сайфиев.

Маълумот учун, ЖЧ-2022 саралаш босқичининг Осиё минтақаси иккинчи раундининг гуруҳ босқичида Ўзбекистон терма жамоасига D гуруҳида Фаластиндан ташқари Саудия Арабистони, Сингапур ва Яман терма жамоалари рақиб бўлади.

“Замин” янгиликларини “Telegram”да кузатиб боринг
Мавзуга оид янгиликлар
  • Бугун Австралияга қарши ўйин олдидан матбуот анжумани бўлиб ўтади 20 янв, 06:00
  • Пим Вербек: "Ўзбекистонга қарши кечадиган ўйинга тайёрмиз" 08 янв, 20:23
  • Элдор Шомуродов: "Осиё Кубогида ҳар бир терма жамоага жиддий муносабатда бўлиш керак" 07 янв, 06:56
  • Эктор Купер билан матбуот анжумани ташкил этилади 04 дек, 14:53
  • Эктор Купер: "Рақибларимизнинг ўйинларини ўрганиш учун мутахассисларимизни юборамиз" 15 окт, 13:50
  • Сўнгги янгиликлар
  • Бутунжаҳон "Сайёралар Конгресси" бўлиб ўтмоқда 19 окт, 01:00 110
  • Қосимов: "Абрамовнинг термага мураббий бўлгани "Бунёдкор"нинг ўйинига салбий таъсир қилдими?" 19 окт, 00:42 132
  • Вадим Абрамов: "Юта олмаётганимизга майдон айбдор эмас" 19 окт, 00:32 156
  • Фастфуд ишқибози бўлган келин тўйида товуқ оёқчаларидан махсус гулдаста тайёрлатди 19 окт, 00:30 121
  • Фарғона вилоятида Damas автомашинаси «Камаз»га бориб урилди (видео) 19 окт, 00:03 198
  • Тошкентда Lacetti минган аёл ЙПХ ходимларидан қочди (видео) 18 окт, 23:53 230
  • Навоийда Nexia портлаб кетиши оқибатида икки киши ҳалок бўлди 18 окт, 23:43 269
  • Диққат!!! Эътибордан четда қолдиришингиз керак бўлмаган саратоннинг 8 аломати 18 окт, 23:20 391
  • Назарбоев Лондонда жазога тортилди 18 окт, 22:53 488
  • Ёнида фуқаролик паспорти бўлмаган шахс қандай ҳолларда ички ишлар бўлимларига олиб кетилади? 18 окт, 22:27 516
  • Бўлимлар