Корея қуйи дивизионида ўйнаб, яқинда «Тэджон» жамоасидан кетган Шоҳрух Гадоев фаолиятини Тошкентнинг «Бунёдкор» жамоасида давом эттирадиган бўлди. Белорусда йиғин ўтказиб қайтган «Қалдирғочлар» чемпионат 14-туридан ўрин олган «Динамо»га қарши ўйинга пойтахтда тайёрланишмоқда.
Тошкентдаги машғулотларда Гадоев ҳам қўшилган. Унинг Кореядаги жамоадоши Санжар Турсунов ҳам «Бунёдкор»га келиши кутилмоқда. Гадоев Кореядан ташқари Баҳрайн чемпионатида ҳам ўйнаган. Аввал ҳам «Бунёдкор» сафида ўйнаган Гадоев «Насаф»даги ўйинлари билан танилган.