Европа чемпионатининг 2020 йил бўлиб ўтадиган мусобақаси саралаш босқич 2-турида Англия меҳмонда Черногория билан куч синашди ва унда йирик ҳисоб билан туманли албион вакиллари зафар қучди. Франция эса ўзида Исландияга имкон қолдирмади.
Англия – Черногория ўйинида ҳисоб 17-дақиқада очилди Марко Вешович майдон эгаларини олдинга олиб чиқди. 30-дақиқага келиб Майкл Кин орадаги фарқни йўққа чиқарриб ҳисобни тенглаштирди. Тез орада Хадсон-Одои инглизларни олдинга олиб чиқувчи голни киритди. Иккинчи бўлимда Росс Баркли дубль қайд этиб қўйди. Яна биттадан голларни Харри Кейн ва Рахим Стерлинг ўз ҳисобига ёзиб қўйишди.
Франция – Исландия учрашувида ҳисоб 12-дақиқадаёқ очилди. Франциялик ҳимоячи Самуэль Умтити биринчи гол муаллифи. 68-дақиқага келибгина Оливье Жиру орадаги фарқни иккитага етказди. Ўн дақиқа ўтиб эса «ПСЖ» ҳужумчиси Мбаппе учинчи голни урди. Ўйиндаги сўнгги гол Гризманн ўзи ҳисобига расмийлаштирди.