ЎФА матбуот хизматининг ижтимоий тармоқдаги хабарига кўра, Купер қўлостида Осиё Кубогига тайёргарлик кўраётган бош жамоамиз аъзолари тунда Тошкент Халқаро аэропортига етиб келишди. Хабарингиз бор, Ўзбекистон миллий терма жамоаси жорий йилнинг 15 декабридан бери Туркиянинг Анталия шаҳрида йиғин ўтказаётган эди. Бугун тунда терма жамоамиз аъзолари Анталиядаги йиғинни якунлаб Тошкентга қайтиб келишди.
Йиғин доирасида битта назорат ўйини ўтказиш режалаштирилганди. Аммо миллий терма жамоамиз бош мураббийи кейинчалик бу фикрдан қайтиб, турли жароҳатларни олдини олиш мақсадида назорат учрашуви ўтказмасликка қарор қилгани ҳақида ҳам хабар бергандик. Энди футболчиларимиз 3 кун дам олишганидан сўнг, 2 январь куни Бирлашган Араб Амирликларида бўлиб ўтадиган Осиё Кубоги-2019га йўл олишади.
Эслатиб ўтамиз, Эктор Купер қуйидаги 23 нафар футболчи билан Бирлашган Араб Амирликларида ўтказиладиган қитъа мусобақасида юртимиз шарафини ҳимоя қилади.