Тошкентнинг «Бунёдкор» клуби яримҳимоячиси Шоҳруҳ Гадоев Жанубий Кореянинг нуфузи жиҳатдан иккинчи дивизиони саналган «Кей Лига 2» вакили «Дэжон Ситизен» клуби билан шартнома имзолади. Манбага кўра, 26 ёшли ўзбекистонлик футболчи жамоа билан кейинчалик яна бир йилга узайтириш мумкин бўлган икки йиллик («2+1» кўринишидаги) шартнома имзолаган.
Гадоев дэжонликлар таркибида 30-рақам остида ўйнайдиган бўлди.
Маълумот учун, Гадоев тўп сурадиган «Дэжон» жамоаси чемпионатнинг дастлабки икки учрашувида имкониятни бой бериб қўйган ва лигада 10та жамоа ичида очко тўплай олмаган ягона жамоа сифатида сўнгги ўринда бормоқда. Жамоа биринчи турда «Бучон 1995», иккинчи турда эса «Ансан Гринерс» жамоаларига имкониятни бой берди.
Кўпчиликнинг ёдида булса керак, "Тэджон Ситизен" жамоасининг уй аренаси - Daejeon World Cup Stadium ЖЧ-2002нинг бир нечта учрашувларини қабул қилган эди. Гуруҳ босқичидаги ЖАР - Испания 2:3, Польша - АҚШ 3:1 ҳамда жаҳон чемпионатлари тарихидан алоҳида ўрин олган 1/8 финалдаги Жанубий Корея - Италия 2:1 беллашувлари шулар жумласидандир.
Манба: championat.asia