«ПСЖ» ҳужумчиси Неймар фирибгарликда айбланмоқда. Гап шундаки, бразилиялик футболчи 2013 йилда "Сантос"дан "Барселона"га трансфер қилиниш пайтида унинг нархи пасайтириб кўрсатилган. Натижада Неймарнинг трансфер ҳуқуқига эгалик қилган DIS инвестиция жамғармаси ўзининг улушини тўлиқ олмаган. Ўша пайтда Неймарнинг трансфери 57,1 миллион евро сифатида қайд этилган. Амалда эса ушбу нарх ундан 30 миллион еврога кўпроқ бўлган.
Мазкур қоидабузарлик Бразилияда юзага келгани учун Испания суди ушбу ишни Барселонага судига юборди. Энди Неймар, унинг отаси ва "Барселона" президенти суд олдида жавоб беради. Футболчининг айби исботланса, Неймар 2 йилга қамалиши ва 10 миллион евро миқдорида жарима тўлаши мумкин.
Манба: Stadion.uz