Португалиялик футболчи дунёдаги энг кучли чармтўп усталаридан бири бўлиш учун ўз устида тинимсиз меҳнат қилади. У тиришқоқлик ва меҳнатсеварликни ўз фарзандларига ҳам ўргатмоқда. Футболчи томонидан Инстаграм ижтимоий саҳифаси орқали эълон қилинган суратда спортчининг тренажёр залида машқ қилаётгани, катта ўғли эса укаси учун энага вазифасини ўтаётгани акс эттирилган, дейилади хабарда. Роналду “Фарзандларимга биринчиликка эришишнинг ягона йўли иқтидорли, тиришқоқ ва фидоий бўлиш эканлигини ўргатяпман” дея сурат тагига изоҳ қолдирган.
Эслатиб ўтамиз, айни пайтда футболчининг Криштиано исмли ўғли, Ева ва Матео исмли эгизаклар фарзандлари бор. Севган қизи 22 ёшли испаниялик модель Жоржина Родригес ҳам айни пайтда ҳомиладорлик ҳолатида.