"Арсенал" мухлислари клубни бир шахс қўлига ўтиб кетишидан хавотирга тушган.Аввалроқ, "Арсенал" хўжайини, америкалик тадбиркор Стэн Кронке россиялик ҳамкасби Алишер Усмоновга мурожаат қилиб, унинг қўлидаги 30% акция учун 592 млн евро таклиф қилгани ҳақида хабар чиққан эди. Агар Усмонов ўз улушини сотса, Кронке 97% акция билан клубнинг якка хўжайинига айланарди.
«Арсенал» мухлислари трести (AST) россиялик тадбиркорга мурожаат қилиб, бу битимга рози бўлмасликни илтимос қилишди. Фанатлар клубни Кронкенинг шахсий компаниясига айланиб қолишидан хавотирга тушган, деб хабар бермоқда Sky Sports хабарида.
Аввалроқ, Усмоновнинг ўзи ҳам Кронкега мурожаат қилиб, 67% акция учун 1,17 млрд ерво таклиф қилган, бироқ, рад жавобини олган эди.
Манба: stadion.uz