«Барселона» клуби президенти Хосеп Бартомеу жамоанинг янги аъзоси Арда Туран ярим йилга бошқа клубга ижарага берилиши мумкинлиги ҳақида айтиб ўтди, деб ёзмоқда «Uff.uz».
Эслатиб ўтамиз, Туран ФИФА томонидан қўйилган таъқиқ туфайли 2016 йилнинг январига қадар каталонияликлар сафида майдонга туша олмайди.
«Туранни ярим йилга бошқа жамоага ижарага беришимиз эҳтимоли катта. Аммо бу борадаги қарорни жамоа бош мураббийи Луис Энрике қабул қилади. Нима бўлган тақдирда ҳам, Туран Чемпионлар лигасида иштирок этмайдиган жамоага ижарага берилади. Бу барча учун фойдали қарор бўлиши кутилмоқда», - дейди Бартомеу.