Жорий ҳафтада Тошкентнинг «Бунёдкор» клубида янги раҳбар таништирилади. Бу ҳақда Championat.asia сайти хабар тарқатди.Мазкур манбага кўра, 10 йил давомида жамоага раҳбар лавозимларида ишлаган Бахтиёр Бобоевнинг клубдаги фаолияти тугаган. Энди мутахассиснинг ўрнини бошқа бир ходим эгаллайди. Ҳозирча бу номга асосий давогар сифатида Мурод Алиевнинг номзоди илгари сурилмоқда.
Эслатиб ўтамиз, олдинроқ Мурод Алиев жамоага келиши мумкинлиги, агар у жамоа бошқарувини қўлга олса, Миржалол Қосимов ҳам клубга қайтиши мумкинлиги ҳақида хабарлар тарқалган эди.