Қозоғистоннинг Остона шаҳрида теннис бўйича соврин жамғармаси 50 минг АҚШ долларини ташкил қилувчи "Челленжер" туркумидаги турнир давом этмоқда.Astana Challenger "Capital Cup" турнирининг иккинчи ракеткаси бўлган Денис Истомин чорак финал учрашувида сербиялик Никола Милошевичга қарши кортга чиқди. Биринчи сет 6:2 ҳисобида Истомин фойдасига ҳал бўлди. Иккинчи сетда эса Никола жароҳати сабаб кортга чиқмади. Шу тариқа ҳамюртимиз деярли қийинчиликсиз ярим финал йўлланмасини қўлга киритди, деб ёзади uz24.uz.
Таққослаш учун, Истомин дунё рейтингида 142-, Милошевич эса 209-ўринни эгаллаб турибди.