Мадриднинг “Атлетико” клуби устози Диего Симеоне Аргентина терма жамоасини бошқариши мумкин. Бу ҳақда “Fut.uz” хабар бермоқда.
Аргентиналик мутахассиснинг шартномасида ёзилишича, агар Аргентина футбол федерацияси унга таклиф билан чиқса, Симеоне Мадрид клубини тарк этишга ҳақли.
Хабарларга кўра, Симеоне “альбиселесте”га бош мураббий бўлса, Лионель Месси терма сафига қайтиши мумкин.
Айни дамда Аргентина терма жамоаси мураббийсиз қолган. Херардо Мартино Америка Кубоги–2016 мусобақасидан сўнг ўз лавозимини тарк этганди.