“Zamin”ni Telegramʻda oʻqing! Join!
Zamin.uz
, 21 2019, 08:26
ЎЗO‘Z

O‘zbekistonda “Pejo Sitroen” yengil tijorat avtomobillari ishlab chiqariladi

16 may, 18:05 6 450 Texnologiya
O‘zbekistonda “Pejo Sitroen” yengil tijorat avtomobillari ishlab chiqariladi
“O‘zavtosanoat” AK va “Pejo Sitroen” Gruppasi o‘rtasida O‘zbekistonda yengil tijorat avtomobillarini ishlab chiqaruvchi qo‘shma korxona barpo etish bo‘yicha kelishuv imzolandi. Bu haqda Kun.uz xabar berdi.

Yangi «UzbekistanPeugeotCitroyonAutomotiv» QKsi “Pejo Sitroen” Guruhi va “O‘zavtosanoat” AK tomonidan barpo qilinmoqda. Hujjatga ko‘ra yangi korxona “Jizzax” erkin iqtisodiy zonasida, Toshkendan 200 km uzoqlikdagi hududda quriladi. Zavod “Peugeot” va “Citroyon” brendlari ostida yo‘lovchi va yuk tashishga mo‘ljallangan yengil tijorat avtomobillarini ishlab chiqarishga ixtisoslashtiriladi. Ustav kapitali 30 mln. evroga teng qo‘shma korxona har ikki tomonning teng ulushi asosida faoliyat yuritadi. Loyiha bo‘yicha umumiy investisiya qariyb 130 mln. evroga teng.

“Pejo Sitroen” Guruhi yangi texnologiyalar, zamonaviy ishlab chiqarish jarayonlarini joriy qilishda va mutaxassislar malakasini oshirishda ko‘mak ko‘rsatadi. Zavod ishlab chiqarishni boshqarish, mahsulot sifati, etkazib berish va savdo masalalarida “Pejo Sitroen”ning zamonaviy tizimi bo‘yicha ish olib boradi. Shu bilan birga, avtomobil ehtiyot qismlarini ishlab chiqaruvchi mahalliy korxonalarni jalb qilish yo‘li bilan birinchi yilning o‘zidayoq yangi qo‘shma korxonada 50 foizga mahalliy mahsulotlardan foydalanish ko‘zda tutilgan. Bugungi kunda “O‘zavtosanoat” AK tarkibida 30 ga yaqin yirik zavodlar va 160 dan ortiq o‘rta va kichik korxonalar aynan mahalliylashtirish dasturi asosida ish olib boradi.

Qurilishi rejalashtirilayotgan qo‘shma korxonada yiliga 16 000 ta avtomobil ishlab chiqariladi. Ularni O‘zbekistonda, shuningdek, uzoq va yaqin xorij davlatlaridagi eksport bozorlarida sotish rejalashtirilmoqda.

32 millionlik aholi soniga ega O‘zbekistonda sanoatni va avtomobil bozorini rivojlantirish uchun etarlicha salohiyat va imkoniyat bor.

“Engil tijorat avtomobillari segmenti O‘zbekistonda o‘zlashtirilmagan yagona transport vositasining turi edi”,- deya ta’kidladi “O‘zavtosanoat” AK boshqaruvi raisining o‘rinbosari Rustam Yusupov. “Ushbu loyihaning tadbiq etilishi mahalliy avtomobil sanoati rivojida yana bir dadil qadam bo‘ladi. Aholi bandligini ta’minlashga hizmat qiluvchi yangi qo‘shma korxona O‘zbekiston sanoatining yanada rivojlanishiga o‘z xissasini qo‘shadi”.

“Ushbu loyiha bizning 5 yillikka mo‘ljallangan taraqqiyot Dasturimizga to‘la mos keladi va bu “Pejo Sitroen” Guruhi uchun yengil tijorat avtomobillarining savdosini rivojlantirish va hududiy kengayish uchun yana bir katta imkoniyatdir. Biz qo‘shma korxona tashkil etilishida asosiy faktor bo‘lgan O‘zbekiston Respublikasi Prezidenti Shavkat Mirziyoyevning shaxsan qo‘llab-quvvatlashlarini hamda o‘zbek hamkorlarimiz bilan konstruktiv muloqotni juda yuqori baholaymiz”- deya e’tirof etdi “Pejo Sitroen” Guruhi Vise-prezidenti Kristof Berjeran.

Ma’lumot uchun, “O‘zavtosanoat” AK 1994 yilning 17 mart sanasida tashkil etilgan. Hozirda AKsi tarkibida 75ta yirik va o‘rta korxona hamda kompaniyalar, jumladan, Janubiy Koreya, Turkiya, Italiya, Germaniya, Niderlandiya, AQSh va MDH davlatlari texnologiyasi va sarmoyasi asosidagi kompaniyalar mavjud. AJning asosiy faoliyat doirasi – yengil avtomobillar, avtobuslar, yuk tashuvchi avtomobillar va butlovchi qismlar ishlab chiqarish. Kompaniyada 24 mingdan ziyod xodim ishlaydi, ulardan 5 ming nafari jahonning etakchi sanoat kompaniyalarida malaka oshirgan.

“Pejo Sitroen” Guruhi uch markadagi avtomobillarni ishlab chiqaradi - Peugeot, Citroën i DS. Shuningdek, avtomobil ishqibozlarining tobora o‘zgarib borayotgan talab va ehtiyojlarini hisobga olgan xolda keng ko‘lamda Free2Move markasi ostida mobil va intellektual hizmatlarni ko‘rsatadi.

“Zamin” yangiliklarini “Telegram”da kuzatib boring
Mavzuga oid
  • GM Uzbekistan avtomobillarini 6 xil yangi rangda ishlab chiqarmoqda 25 apr, 08:41
  • Tesla Xitoyda zavod quradi 10 apr, 13:43
  • Kuba noutbuk va planshetlar ishlab chiqarishni yo‘lga qo‘ydi 26 dek, 13:21
  • Toshkentda navigatorlar ishlab chiqarish yo‘lga qo‘yiladi 20 may, 11:03
  • Apple iPhone uchun displey ishlab chiqaruvchi zavodga 1,7 mlrd dollar sarmoya kiritadi 23 fev, 11:55
  • 2015 yilda Jizzaxda avtomobil tormoz kolodkalari ishlab chiqarilishi yo‘lga qo‘yiladi 29 dek, 16:30
  • So'nggi yangiliklar
  • Endi arxivdan ma’lumotnoma olish ancha osonlashadi 21 sen, 08:13 52
  • «Grin kard» sanasi e’lon qilindi. Yangi talablar bilan 21 sen, 07:40 271
  • Huawei Google ilovalari bo‘lmagan birinchi smartfonini taqdim qildi 21 sen, 07:07 163
  • "Bampermisan, bamper": internetda shov-shuv bo‘layotgan optik illyuziya 21 sen, 06:33 603
  • Urgutda shifoxona yopildi, chaqaloq yo‘lda tug‘ildi (video) 21 sen, 06:00 359
  • Samvel Babayan: “Negadir, birinchi bo‘lib to‘p bizning darvozamizdan o‘rin olyapti” 21 sen, 02:29 277
  • O‘zbekiston yakka sayyohlar uchun eng xavfsiz davlatlar qatoridan joy oldi 21 sen, 00:15 248
  • Britaniyalik olimlar: «Mashhur Damashq po‘latining vatani — O‘zbekiston» 20 sen, 23:53 339
  • Aleksandr Xomyakov: "Dinamo"da ahvol yaxshi emas" 20 sen, 23:30 302
  • Senator to‘y uchun taklifnoma tarqatmay, ko‘chama-ko‘cha jar solinishini qoraladi 20 sen, 23:04 431
  • Bo‘limlar