"Реал" собиқ ҳимоячиси Роберто Карлос клубдаги бўш вақтини қандай ўтказгани ва Роналдо билан дўстлиги ҳақида айтиб ўтди."Ҳозир ўтган воқеаларни хотирлайман ва ўйлаб қоламан: Қандай қилиб шундай аҳмоқгарчилик қилганмиз? Ўйин тугаганидан кейин бизни кутаётган шахсий самолётлар. Бекхэм қаерларгадир учиб кетарди, Фигу ва Зиданнинг бошқа томонга жўнаб кетишлари, мен ва Роналдонинг яна қаергадир учишимиз.
Лекин, биз эртаси куни машғулотларга етиб келишимиз керак бўларди. Ўйинларимиз шанба кунлари бўлиши учун дуолар қилардим, сабаби якшанба куни Формула 1 мусобақасига боришингиз мумкин бўларди. Ҳамма жойга шахсий самолётимизда борардик. Роналдо билан биринчи марта 1993 йилда учрашганман. Ўшандан бери биз битта хонада яшадик. Рафиқамга қараганда у билан тез-тез ухлаганман", – дейди Карлос.