Аралаш жанг санъати (ММА) устаси 27 ёшли Бекзод Нурматов (11-2, 7 КО) навбатдаги жангида иштирок этганидан икки кун ўтиб вафот этди. Бу ҳақда GoSport.uz хабар бермоқда.Маълум бўлишича, Нурматов шанба куни Чеченистон пойтахти Грознийда бўлиб ўтган ММАнинг Absolute Championship Akhmat 100 (АCА) турнир доирасида рингга кўтарилган. Спортчи 3 раундлик жангда 36 ёшли россиялик Беслан Исаевга қарши рингга чиқиб, ҳакамларнинг турфа хил қарорлари билан очколар ҳисобида мағлубиятга учраган.
Жангдан сўнг Бекзод Нурматов ҳушини йўқотган ва кома ҳолатига тушиб қолган. Шифокорлар унда инсульт (мияга қон қуйилиши) юз берганини маълум қилган. Икки кунлик комадан сўнг душанба куни спортчи шифохонада вафот этган. Бугун унинг жасади Ўзбекистонга олиб келиниши режалаштирилган.
Қуйида Нурматовнинг ўлимига сабабчи бўлган сўнгги жанги видеосини томоша қилишингиз мумкин: