Ҳабиб Нурмагомедов Порьега қарши жангдан қанча ишлаб олиши маълум бўлди

^{Фото: Yandex Photos}
Енгил вазн тоифасида UFC чемпиони Ҳабиб Нурмагомедов америкалик яккакурашчи Дастин Порьега қарши жангдан қанча даромад олиши маълум бўлди.

Россиялик спортчининг мазкур беллашувдаги гонорари 6 миллион долларни ташкил этади. Шу тариқа Нурмагомедов UFC собиқ чемпиони Конор Макгрегорга қарши жангидагидан уч баробар кўп пул ишлаб олади.

Эслатиб ўтамиз, Ҳабиб ва Порье ўртасидаги жанг бугун Абу Дабида бўлиб ўтади.
Маълумот учун, мазкур қарама-қаршилик бугун оқшом Тошкент вақти билан соат тахминан 00:30 да бошланади.