«Замин»ни Telegram’да ўқинг! Join!
Zamin.uz
, 29 2024, 05:18
ЎЗO‘Z

Хавотиримизни оширган, ҳар томонлама ютқазган Эктор Купер, Аҳмедовга таътимаган юбилей ўйин ҳақида

06 сен, 22:50 3 338 Спорт
«Замин»ни Telegram’да ўқинг!
Хавотиримизни оширган, ҳар томонлама ютқазган Эктор Купер, Аҳмедовга таътимаган юбилей ўйин ҳақида Жаҳон чемпионати саралаш баҳсларини яхши ниятда кутдик. Аламлиси, доим кутамиз. Кутганимизга яраша натижа бўлмаса-да, умид ила қараймиз. Бу гал ҳам шундай, афсуски шундай.

Футболимиз тарихида 5 сентябрь қора кунга айланмоқда. Аввалги жаҳон чемпионати саралашининг охирги ўйинини айнан шу санада ўтказганмиз. Бу барчанинг ёдида. Жанубий Корея тарихидаги энг кучсиз жамоани юртимизда юта олмаганимиз алам билан эсга олинади. Россиялик таниқли шарҳловчи Константин Генич учрашувни шарҳлаганди ва ўзи билан бирга термамизни юртига олиб кетмоқчи бўлганди. Бироқ биз битта гол ҳам ура олмаганмиз.

Бу сафарчи? Бу сафар ҳам саралаш баҳсларини сунъий қопламали майдонда бошладик. Рақибга 2 та тўп фарқи билан ютқаздик. Ўшанда терма жамоамизда мураббий алмашганди. Эътиборлиси, Фаластин – Ўзбекистон учрашувини шарҳлаб борган Хайрулла Ҳамидов авваллари Эктор Купер шанига илиқ фикрлар билдирарди. Ҳозир эса унинг ҳам фикри ўзгарди. Буни шарҳ давомида билдик, эшитдик.

Одил Аҳмедовга таътимаган юбилей ўйин. Аҳмедов терма жамоамиз сафида 100-ўйинини ўтказди. Тарихга кирди. Аммо омадсиз чиқди. Учрашувда Аҳмедовда қулай имконият бўлди. Бироқ унинг ўзи фойдалана олмади. Акси бўлганда, ҳисоб бундай кўриниш олмаган ва ўз юбилейи учун ўзи совға тақдим этарди.

Умуман олганда, футболчилар жон куйдиришмади. Бирорта ўйинчи ютқазаётган жамоа вакилиги ўхшамасди. Уларнинг ҳаракатларини кўрган томошабин бизга бу ўйин натижаси аҳамиятсиз эканда деган ҳаёлга бориши турган гап.

Шу куни футболчиларнинг бу ҳаракатларидан яна бир тахминга келдик. У ҳам бўлса иш ташлаш. Футболчилар мураббийнинг услубига кўника олмаётганини биринчи кунданоқ айтишганди. Жумладан Одил Аҳмедов. Бу мавзу жуда кўп муҳокама қилинган. ЎФАнинг аввалги раҳбарияти ва вакиллари Куперни оқлаш учун жуда ҳаракат қилишган. Дебатлар уюштиришган. Улар Куперни асослаш учун ўзларига 2 та жиҳатни белгилаб олишганди. Бири терма жамоамизга келадиган мураббий хориждан бўлиши ва иккинчи ўша мутахассис аввалги термаси билан жаҳон чемпионатига чиққан бўлиши кераклиги.

Ҳўп, шу талабларга мос келгандир. Лекин буни улардан бошқа барча қабул қилмади. Нега? Чунки Купер замонавий футболнинг одами эмас. У яқин йиллар ичида бирор бир каромат кўрсатмаган. Тактик жиҳатдан нўноқ эканлигини Фаластинга қарши беллашувда ҳам кўрдик.

Энг ёмони биз футболни қандай ўйнаш кераклигини Фаластиндан ўрганишимизга тўғри келмоқда. Қаранг қандай кунларга қолдик. Қарши ҳужумда бизга ўрнак бўлган Фаластин. Бизга бирор марта ҳам гол урмаган Фаластин 2 марта дарвозамизни чиройли тарзда ишғол этди. Ўзбекистон миллий терма жамоасини мағлубиятга учратди. Ютқазаётганимизда трансляция режиссёрлари бот-бот ҳеч нарса қила олмаётган Эктор Куперни намойиш этишди. Уларга раҳмат. Айримларга шундай пайтда оддий рақибга қарши учрашувда ҳам ҳеч нарсани ўзгартира олмаётган жаноб Куперни кўрсатиб беришди. Футболимизнинг олдинги раҳбарлари қилган хатолар ҳали кўп зараримизга ишламаса эди.

Умид қиламизки, айни пайтда амалда ишларни қилаётган ЎФА биринчи вице-президенти Равшан Эрматов футболни тушунадиган ва ҳозирги бўлаётганларни кўриб турган инсон. Эктор Купер масаласига кеч бўлмасдан бир қарорга келсалар айни муддао бўларди. Тўғри, Куперга жавоб бериш осон эмас. Аввалги раҳбарият тузган шартнома шартлари бунга тўсқинлик қилар. Чунки яқиндагина ЎФА вакилларининг Куперга маҳаллий мураббийлардан бирини ёрдамчи қилиб олинг деган таклифига йўқ дея жавоб берган. Тўғри, Суперлиганинг айни қизғин палласида Африка миллатлар лигасида экспертлик қилган, сўнг меҳнат таътилида бўлган мутахассис ўзининг бундай “қобилият”ларини бировга ўргатгиси келармиди?!

Нима бўлаганда ҳам Эктор Купер борасида ҳавотирларимиз яна-да ошди. Энг ёмони у юртимизга келганида ҳам ортиқча қувонмагандик. Асосий паллада аввалги хатоларимиз панд бермаслигига жуда ишонгимиз келади.
Манба: Sports.uz




Мавзуга оид янгиликлар
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 59
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 35
  • Суперлига. “Динамо” “Металлург” устидан иродали ғалабага эришди 28 мар, 22:51 41
  • Ўзбекистонлик беш нафар ҳакам Қатардаги U-23 Осиё кубогида фаолият олиб боради 28 мар, 18:49 96
  • Тошкентнинг “Бунёдкор” клубига янги бош мураббий тайинланди 28 мар, 17:00 253
  • Сенсация кўтарган боксчи Баҳодир Жалолов олдида “ип эшолмади”, бироқ... 28 мар, 00:00 1 092
  • Сўнгги янгиликлар
  • Қўштепа канали қурилиши бутун Марказий Осиёга таҳдид солмоқда 29 мар, 05:00 1
  • «Крокус»даги теракт иши бўйича яна бир киши ушланди 29 мар, 00:30 111
  • Нима учун «Крокус»да керакли паллада хавфсизлик кучлари йўқ эди? 29 мар, 00:11 101
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 69
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 59
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 40
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 35
  • Суперлига. “Динамо” “Металлург” устидан иродали ғалабага эришди 28 мар, 22:51 41
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 40
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 186
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 301
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 26
  • Бўлимлар