“Zamin”ni Telegramʻda oʻqing! Join!
Zamin.uz
, 19 2019, 03:06
ЎЗO‘Z

«Maqsadimiz – guruhda birinchi bo‘lish» — Falastinga qarshi o‘yindan oldin matbuot anjumani o‘tkazildi

04 sen, 18:18 898 Sport
«Maqsadimiz – guruhda birinchi bo‘lish» — Falastinga qarshi o‘yindan oldin matbuot anjumani o‘tkazildi
JCh-2022 saralash bosqichining Osiyo mintaqasi ikkinchi raund bahslari doirasida 5 sentyabr kuni o‘tkaziladigan Falastin va O‘zbekiston terma jamoalari uchrashuvi oldidan matbuot anjumani tashkil etildi. Unda O‘zbekiston milliy terma jamoasi ustozi Ektor Kuper bilan birgalikda jamoa himoyachisi Farrux Sayfiyev ishtirok etdi.

«Birinchi o‘yin hamisha juda muhim ahamiyat kasb etadi. Ayniqsa, saralash o‘yinlarini 3 ochko bilan boshlash juda-juda muhim. O‘tkazilgan yig‘in davomida mazkur o‘yinga jiddiy hozirlik olib borishga harakat qildik. O‘ylashimcha, bir qator jihatlardagi kamchiliklarni yaxshilay oldik. Mazkur o‘yindan ijobiy natija kutyapman.

Yana shuni alohida qayd etishim lozimki, guruhdagi har bir raqib – jiddiy jamoa. Har bir o‘yinga juda jiddiy tayyorgarlik ko‘rishimiz talab etiladi. Lekin ertangi uchrashuvda faqat 3 ochkoni ko‘zlagan holda maydonga chiqishimizni ayta olaman.

Maqsadimiz – guruhda birinchi bo‘lish. Buning uchun birinchi galda o‘z o‘yinimizni yaxshilashimiz, o‘z o‘yinimizni namoyish eta olishimiz lozim. Shunda raqib zarur bo‘lsa, bizning o‘yinimizga qarab harakat qilishga majbur bo‘ladi.

Jahon chempionatiga yo‘l olishimiz uchun birinchi navbatda butun jamoamiz birlasha olishi hamda o‘z kuchimizga ishona olishimiz talab etiladi. Ya’ni har bir futbolchi oldinga qo‘yilgan maqsadga erishishimizga ishona olsa, shunda biz albatta o‘z falsafamiz bo‘yicha davom etamiz va yakunda maqsadimizga erisha olamiz. To‘g‘ri, O‘zbekiston hali mundialga yo‘l ola bilmagan. Lekin imkonsiz narsaning o‘zi yo‘q. Bu gal biz maqsadga erishishimiz imkoni bor. Faqat tarkibdagi hamma o‘z kuchimizga ishona bilishi lozim.

Jahon chempionatiga chiqishning o‘ziga xos siri yoki berkitadigan jihati yo‘q. Buning uchun jamoa o‘z ustida ishlashni to‘xtatmasligi hamda bitta maqsad sari intilishi zarur», - deya Ektor Kuperning so‘zlarini keltirmoqda O‘FA sayti.

«Falastin terma jamoasi oxirgi paytlarda ancha yaxshi o‘yin namoyish etyapti. Lekin bizni faqat g‘alaba qanoatlantiradi. Biz 3 ochko uchun maydonga tushamiz. Xudo xohlasa, uyga g‘alaba bilan qaytishga harakat qilamiz», - dedi Farrux Sayfiyev.

Ma’lumot uchun, JCh-2022 saralash bosqichining Osiyo mintaqasi ikkinchi raundining guruh bosqichida O‘zbekiston terma jamoasiga D guruhida Falastindan tashqari Saudiya Arabistoni, Singapur va Yaman terma jamoalari raqib bo‘ladi.

“Zamin” yangiliklarini “Telegram”da kuzatib boring
Mavzuga oid
  • Bugun Avstraliyaga qarshi o‘yin oldidan matbuot anjumani bo‘lib o‘tadi 20 yanv, 06:00
  • Pim Verbek: "O‘zbekistonga qarshi kechadigan o‘yinga tayyormiz" 08 yanv, 20:23
  • Eldor Shomurodov: "Osiyo Kubogida har bir terma jamoaga jiddiy munosabatda bo‘lish kerak" 07 yanv, 06:56
  • Ektor Kuper bilan matbuot anjumani tashkil etiladi 04 dek, 14:53
  • Ektor Kuper: "Raqiblarimizning o‘yinlarini o‘rganish uchun mutaxassislarimizni yuboramiz" 15 okt, 13:50
  • So'nggi yangiliklar
  • Butunjahon "Sayyoralar Kongressi" bo'lib o'tmoqda 19 okt, 01:00 106
  • Qosimov: "Abramovning termaga murabbiy bo‘lgani "Bunyodkor"ning o‘yiniga salbiy ta’sir qildimi?" 19 okt, 00:42 124
  • Vadim Abramov: "Yuta olmayotganimizga maydon aybdor emas" 19 okt, 00:32 147
  • Fastfud ishqibozi bo'lgan kelin to'yida tovuq oyoqchalaridan maxsus guldasta tayyorlatdi 19 okt, 00:30 118
  • Farg‘ona viloyatida Damas avtomashinasi «Kamaz»ga borib urildi (video) 19 okt, 00:03 194
  • Toshkentda Lacetti mingan ayol YPX xodimlaridan qochdi (video) 18 okt, 23:53 225
  • Navoiyda Nexia portlab ketishi oqibatida ikki kishi halok bo‘ldi 18 okt, 23:43 265
  • Diqqat!!! E'tibordan chetda qoldirishingiz kerak bo'lmagan saratonning 8 alomati 18 okt, 23:20 388
  • Nazarboyev Londonda jazoga tortildi 18 okt, 22:53 482
  • Yonida fuqarolik pasporti bo‘lmagan shaxs qanday hollarda ichki ishlar bo‘limlariga olib ketiladi? 18 okt, 22:27 506
  • Bo‘limlar