Coca-Cola Суперлига 9-туридан ўрин олган АГМК ҳамда "Cўғдиёна" жамоалари ўртасидаги ўйиндан сўнг жиззахликлар устози Улуғбек Бақоев учрашув борасидаги ўз фикрларини билдириб ўтди.
"Турнир жадвалида ёнма-ён кетаётган жамоаларнинг ўзаро ўйини эди ва қийин бўлиши аниқ эди. Учрашув чиндан ҳам анча қийин ўтди. Бизга тезкор гол кирита олганимиз анча наф берди.
Йигитлар бутун баҳс давомида тартибли ўйин кўрсатишга интилишди ва буни уддалай олишди. Якунда рақиб дарвозасига иккинчи голни ҳам киритишга муваффақ бўлдик", - деди Бақоев.