Европа Чемпионлар лигаси чорак финал жавоб баҳсидан ўрин олган «Манчестер Сити» – «Ливерпуль» учрашуви ўз ниҳоясига етди. «Этиҳад» стадионида бўлиб ўтган баҳсда меҳмонлар 2:1 ҳисобидаги ғалабани қўлга киритдилар.Учрашувнинг 2-дақиқасида Виргил ван Дейк тўпни қайтаришда хатога йўл қўйди, шундан сўнг уни эгаллаб олган Фернандиньо жамоасининг ҳужумини бошлади. Ўнг қанотдан тезлик олган Рахим Стерлинг тўпни жарима майдонига узатди ва Габриэл Жесус эса аниқ зарбаси билан мезбонларни олдинга олиб чиқди.
Шундан сўнг «Манчестер Сити» кетма-кет ҳужумлар уюштира бошлади, бироқ мерсисайдликларинг чуқур ҳимоясини ёриб ўтиш «шаҳарликлар»га насиб этмади. Танаффусгача бир қатор баҳсли вазиятлар ва кескин ҳолатлар юзага келди.
Иккинчи бўлимни ҳам ҳужумкор бошлаган мезбонлар 56-дақиқада қарши ҳужумни ўтказиб юбордилар: Садио Мане рақиб жарима майдонига ёриб кирди бироқ унга Эдерсон халал бериб қолди, дарвозабондан қайтган тўп Муҳаммад Салоҳга келиб тушди. Мисрлик ҳужумчи эса совуққонлик билан тўпни ҳимоячи устидан ошириб гол урди ва амалда ўйин интригасини сўндириб қўйди.
77-дақиқада Николас Отамендининг хатосидан фойдаланган Роберто Фирмино мерсисайдликларнинг иккинчи голини урди.
Шу тариқа, Юрген Клопп шогирдлари иккинчи ўйинда ҳам «Манчестер Сити»ни таслим этишди ва ярим финалга йўл олишди.
ЕЧЛ, Чорак финал
Манчестер Сити Англия – Ливерпуль Англия 1:2 (1:0, 0:2)
Голлар: 1:0 – 2 Габриэл Жезус, 1:1 – 56 Салах, 1:2 – 77 Фирмино.
Манчестер Сити – Эдерсон, Уокер, Отаменди, Лапорт, Фернандиньо, Сильва (Агуэро, 66), де Брюйне, Стерлинг, Бернарду Силва (Гюндоган, 74), Сане, Габриэл Жезус.
Ливерпуль – Кариус, Ловрен, Робертсон, Александер-Арнолд (Клайн, 81), ван Дейк, Фирмино (Клаван, 81), Окслейд-Чемберлен, Салах (Ингз, 89), Вейналдум, Мане, Милнер.
Огоҳлантиришлар: Эдерсон (14), Мане (14), Александер-Арнолд (29), Бернарду Силва (30), Фирмино (35), ван Дейк (65).
Илк ўйин: 0:3.
Манба: www.uff.uz