Машҳур футболчи ва таниқли мутахассис Азамат Абдураимов яна мураббийлик фаолиятига қайтди.Азамат Абдураимов 2004 йил ва ундан кейин туғилган футболчилардан иборат бўладиган янги ўсмирлар терма жамоасини бошқаради. Бу ҳақда Азамат Абдураимовнинг Facebook'даги саҳифасида маълум қилинди.
Маълумот учун, Ўзбекистон U-16 терма жамоаси 2019 йил U-16 Осиё чемпионати саралашида иштирок этади. Агар саралашдан муваффақиятли ўтилса, 2020 йил Осиё чемпионати финал босқичида қатнашади. Ушбу қитъа чемпионатида ярим финалга қадар етиб борилса, ўсмирларимиз 2021 йил бўлиб ўтадиган U-17 Жаҳон чемпионатида иштирок этишади.