Янги йилнинг илк сонияларида Фарғона шаҳридаги марказий туғруқхонада қиз чақалоқ дунёга келди ва у Ўзбекистонда 2016 йилда туғилган илк чақалоқ сифатида қайд этилди.
"Ўзбекистон овози" газетасига асосланиб Kun.uz
ёзилишича, Фарғонада туғилган бу чақалоқнинг вазни 3 килограмм 684 граммни ташкил қилган.
Туғилганларни қайд этиш китобига 2016 йилнинг 1 январь кунида соат 00:01да Мафтуна Султанованинг ўз чақалоғини дунёга келтиргани ҳақида маълумот қайд этилган.
Чақалоқнинг отаси маълум қилишича, бу қизалоқ унинг оиласидаги иккинчи фарзанд бўлиб, бу ёш оила ўз қизларининг "Соғлом она ва бола" йилида дунёга келганидан икки баробар хурсанд бўлишган.
Нашрнинг ёзишича, айни вақтда чақалоқ ҳам, унинг онаси ҳам ўзини яхши ҳис этмоқда.