“Zamin”ni Telegramʻda oʻqing! Join!
Zamin.uz
, 15 2019, 19:37
ЎЗO‘Z

O‘zbekistonda reklama bo‘yicha yangi qoidalar joriy etiladi

07 iyun, 09:00 857 O‘zbekiston
O‘zbekistonda reklama bo‘yicha yangi qoidalar joriy etiladi
Parlament quyi palatasida Qonunchilik muammolari va parlament tadqiqotlari instituti hamda Oliy Majlis Qonunchilik palatasining Innovatsion rivojlanish, axborot siyosati va axborot texnologiyalari masalalari qo‘mitasi hamkorlikda “Reklama to‘g‘risida”gi qonunning yangi tahrirdagi loyihasi muhokamasiga bag‘ishlangan davra suhbati tashkil etildi.

Tadbirda reklama faoliyatini tartibga soluvchi O‘zbekiston Respublikasining “Reklama to‘g‘risida”gi Qonuni 1998 yilda qabul qilinganligi hamda unga hozirga qadar 14 marotaba o‘zgartish va qo‘shimchalar kiritilganligi qayd etildi. Bundan tashqari, mazkur faoliyatni bevosita tartibga soluvchi 6 ta qonunosti hujjatlari qabul qilinganligi va bugungi kunda amalda ekanligi ta’kidlandi.

Amaldagi qonunning normalari sezilarli darajada eskirgan bo‘lib, zamonaviy reklama bozori talablariga javob bermaydi. Xususan, unda elektron tijoratda tovar (xizmat)larni reklama qilishga nisbatan talablarni belgilovchi qoidalar mavjud emas. Shuningdek tovarlarning xaridini rag‘batlantiruvchi tadbirlarni reklama qilish tartibga solinmagan. Qonunda tovarlarning bozorda xaridorgirligini oshirishning keng tarqalgan usullaridan biri reklama aksiyasi tushunchasi va uni o‘tkazish tartibi nazarda tutilmagan.

Dori vositalari, oziq-ovqat mahsulotlari, spirtli ichimliklar va tamaki mahsulotlarining reklamasi to‘g‘risidagi normalarni yanada takomillashtirish zarurati mavjud.

Tadbirda qayd etilganidek, tashqi reklamani joylashtirishni tartibga soluvchi normalar tashqi reklamani joylashtirish huquqini berishning amaldagi tartibiga muvofiq emas. Reklama agentining faoliyati qonun darajasida tartibga solinmagan.

Shu munosabat bilan, Qonunchilik muammolari va parlament tadqiqotlari instituti tomonidan Qonunchilik palatasi bilan hamkorlikda “Reklama to‘g‘risida”gi qonunning yangi tahrirdagi loyihasi tayyorlandi. Qonunning yangi tahrirdagi loyihasini ishlab chiqish doirasida reklama sohasidagi munosabatlarni tartibga soluvchi normalarni tizimlashtirish, umumiy tusdagi va amalda o‘z kuchini yo‘qotgan normalarni qonun matnidan chiqarish; davlat organlarining reklama sohasidagi vakolatlarini aniq belgilash; reklamaning qonun hujjatlari talablariga muvofiqligi bo‘yicha tahlil va ekspertiza o‘tkazish taklif etildi.

Qonun loyihasiga mahsulotlarning xarid qilinishini rag‘batlantiruvchi tadbirlar reklamasi hamda elektron tijoratda tovarlarni reklama qilishga nisbatan talablarni belgilovchi yangi qoidalar kiritildi. Bundan tashqari loyiha matni “reklama aksiyasi”, “axloqqa zid reklama”, “reklama faoliyati sub’ektlari”, “reklama agenti” va boshqa tushunchalarga berilgan izohlar bilan boyitildi.

“Zamin” yangiliklarini “Telegram”da kuzatib boring
Mavzuga oid
  • O‘zbekistonda «Elektron poliklinika» tizimi keng joriy etiladi 18 may, 12:20
  • "Reklama to‘g‘risida"gi qonunga o‘zgartirishlar kiritildi 14 dek, 09:15
  • O‘zbekistonda reklama qonunchiligini buzgan 66 mansabdor shaxsga nisbatan jarima qo‘llanildi 24 yanv, 22:50
  • Parlament quyi palatasining yangi veb-sayti ishga tushdi 25 noya, 22:46
  • Tadbirkorlik sub’ektlarini internet orqali davlat ro‘yxatidan o‘tkazish masalasi muhokama qilindi 22 okt, 14:22
  • So'nggi yangiliklar
  • Nima uchun yashil banan sarig‘idan yaxshiroq? 15 okt, 19:06 5
  • Targ‘ibot o‘z samarasini berdi 15 okt, 18:53 115
  • Endi davlat non narxiga umuman aralashmaydimi? 15 okt, 18:43 144
  • O‘zbekiston terma jamoasi Singapurni safarda mag‘lubiyatga uchratdi 15 okt, 18:42 226
  • O‘zga sayyoraliklar borligiga yoxud Jumanazar akaga ishonish uchun 10 sabab 15 okt, 18:18 404
  • 5 soniyada nokaut bo‘lgan UFC jangchisi revansh istagida 15 okt, 17:53 209
  • Aliment to‘lashdan bo‘yin tovlashning oqibati 15 okt, 17:49 180
  • Xabib Nurmagomedovning menejeri qo‘lga olindi 15 okt, 17:28 543
  • Pullaringiz qayoqqa g‘oyib bo‘lyapti? 15 okt, 16:56 363
  • 16 oktyabr kuni O‘zbekistonda qanday ob-havo kutilyapti? 15 okt, 16:35 296
  • Bo‘limlar