Қайси олий таълим муассасаларида махсус сиртқи бўлимлар ташкил этилган?

2018 йил 4 июндаги Ўзбекистон Республикаси Президентининг қарорига асосан, бу йил 22та олий таълим муассасасида махсус сиртқи бўлимлар ташкил этилди. Уларга қабул квотаси 11 765 та этиб белгиланди. Бу ҳақда «Ҳуқуқий ахборот» каналига таяниб "Соф" нашри хабар бермоқда.

Уларнинг 11 750 таси тўлов-контракт, 15 таси давлат гранти асосида қабул қилинади.

Қуйидаги олий таълим муассасаларида кўрсатилган квота бўйича махсус сиртқи бўлимларга талабалар қабул қилинади:

• Тошкент давлат техника университети Олмалиқ филиали — 100;

• Тошкент давлат педагогика университети — 1 120 (Тошкент шаҳар — 810, Термиз филиали — 310);

• Андижон давлат университети — 750;

• Бухоро давлат университети — 720;

• Гулистон давлат университети — 600;

• Қарши давлат университети — 690;

• Наманган давлат университети — 750;

• Самарқанд давлат университети — 750;

• Термиз давлат университети — 960 (Термиз шаҳар — 660, Денов филиали — 300);

• Фарғона давлат университети — 690;

• Урганч давлат университети — 690;

• Навоий давлат педагогика институти — 600;

• Нукус давлат педагогика институти — 750;

• Жиззах давлат педагогика институти — 750;

• Қўқон давлат педагогика институти — 750;

• Чирчиқ давлат педагогика институти — 690;

• Тошкент давлат аграр университети — 25;

• Ўзбекистон давлат санъат ва маданият институти — 50;

• Тошкент ахборот технологиялари университети — 100 (15таси давлат гранти асосида);

• Тошкент темир йўл муҳандислари институти — 90;

• Навоий давлат кончилик институти — 90;

• Миллий рақс ва хореография олий мактаби — 50.