“Zamin”ni Telegramʻda oʻqing! Join!
Zamin.uz
, 11 2019, 20:05
ЎЗO‘Z

Shavkat Mirziyoyev Farg‘onaga tashrif buyurdi

22 iyun, 10:54 5 245 O‘zbekiston
Shavkat Mirziyoyev Farg‘onaga tashrif buyurdi
O‘zbekiston Respublikasi Prezidenti Shavkat Mirziyoyev joylarda ijtimoiy-iqtisodiy islohotlarning borishi, amalga oshirilayotgan bunyodkorlik va obodonlashtirish ishlari, yangi loyihalar bilan tanishish, xalq bilan muloqot qilish maqsadida bugun, 22 iyun kuni Farg‘ona viloyatiga tashrif buyurdi, deb xabar berdi Qalampir.uz.

Farg‘ona viloyati o‘zining er osti va er usti boyliklari, rivojlangan sanoat va kommunikasiya tarmoqlari bilan mamlakatimiz taraqqiyotida alohida o‘rin tutadi. Viloyatning iqtisodiy salohiyati aholi turmush darajasini oshirishda muhim omil bo‘lmoqda.

Joriy yilning birinchi choragida viloyatda yalpi hududiy mahsulot 6,1 foiz o‘sdi. Sanoat mahsulotlari ishlab chiqarish, qishloq xo‘jaligi mahsulotlari etishtirish, investisiya loyihalarini amalga oshirish, qurilish, xizmatlar ko‘rsatish sohalarida barqaror o‘sish sur’atlari ta’minlandi.

Sanoat mahsulotining 96 foizdan ortig‘i kimyo, neft-kimyo, yengil sanoat, oziq-ovqat sanoati, mashinasozlik va qurilish materiallari tayyorlash kabi zamonaviy tarmoqlarda ishlab chiqarilmoqda. Farg‘ona neftni qayta ishlash zavodi, “Farg‘ona azot”, “Avtooyna”, Qo‘qon mexanika zavodi, “DEU tekstil Farg‘ona”, “Qo‘qon Indorama tekstil” kabi yirik sanoat korxonalari nafaqat viloyat, balki mamlakatimiz iqtisodiyotida alohida o‘rin eagallaydi.

Zamonaviy sanoat tarmoqlarini rivojlantirish, xalqaro bozorda raqobatdosh mahsulotlar ishlab chiqaradigan yangi korxonalar barpo etish va mavjud quvvatlarni modernizasiya qilish tizimli ravishda davom ettirilmoqda. Eksport qiluvchi korxonalar har tomonlama qo‘llab-quvvatlanayotgani, kichik biznes va xususiy tadbirkorlik sub’ektlari eksport faoliyatiga keng jalb etilayotgani samarasida viloyatning bu boradagi salohiyati muttasil oshib bormoqda.

Davlat rahbarining 2017 yil 12 yanvardagi farmoniga asosan tashkil etilayotgan “Qo‘qon” erkin iqtisodiy zonasi bu boradagi imkoniyatlarni yanada kengaytiradi.

Tadbirkorlik faoliyati bilan shuhrat qozongan Farg‘ona zaminida kichik biznes va xususiy tadbirkorlik sohasi jadal rivojlanmoqda. Bu sohaning yalpi hududiy mahsulotdagi ulushi 62 foizga, eksportdagi ulushi 58 foizga etgan. Mehnat bilan band aholining 81 foizi shu sohada ishlamoqda.

Viloyatning omilkor dehqon va fermerlari qishloq xo‘jaligida ulkan natijalarga erishmoqda. Takroriy ekinlardan, tomorqadan unumli foydalanib, qo‘shimcha daromad topmoqda. Shu kunlarda g‘alla hosili yig‘ib olinmoqda.

Shavkat Mirziyoyevning saylovoldi dasturida mamlakatimizning har bir hududi kabi Farg‘ona viloyatini ham har tomonlama rivojlantirish, iqtisodiyotni modernizasiya va diversifikasiya qilish, ulkan bunyodkorlik ishlarini amalga oshirish, aholi hayot darajasini yuksaltirish borasida aniq reja va maqsadlar bayon etilgan edi.

Prezident Farg‘onaga tashrifi davomida mazkur rejalar ijrosi, istiqboldagi loyihalar bilan tanishadi, xalq bilan muloqot qilib, shahar va tumanlarda amalga oshirilayotgan bunyodkorlik ishlarini ko‘zdan kechiradi.

“Zamin” yangiliklarini “Telegram”da kuzatib boring
Mavzuga oid
  • Shavkat Mirziyoyev Hayit arafasida va ayyomdan so‘ng qaerlarga tashrif buyuradi? 22 iyun, 10:13
  • Shavkat Mirziyoyev Andijon viloyatiga keldi 02 iyun, 12:13
  • Shavkat Mirziyoyev Jizzax viloyatiga tashrif buyurdi 27 apr, 14:31
  • Shavkat Mirziyoyev Navoiy viloyatiga safarini boshladi 28 mar, 11:22
  • Prezident Buxoroga tashrifini boshladi 10 mar, 12:02
  • Shavkat Mirziyoyev Surxondaryo viloyatiga tashrif buyurdi 10 fev, 13:41
  • So'nggi yangiliklar
  • Dushmanga ham ravo ko‘rmaymiz bunday joylarda jazo muddatini o‘tashni - Artikova 11 dek, 19:43 137
  • Tadqiqot: yoshi katta tadbirkor – muvaffaqiyatli kompaniya degani 11 dek, 19:18 113
  • "El-klasiko" yana qoldirilishi mumkin 11 dek, 18:54 267
  • Xitoylik migrant AQShga kir yuvish mashinasi ichida kirishga urindi 11 dek, 18:32 227
  • «Bunyodkor» futbolchisi Ozarbayjon klubi bilan 1,5 yillik shartnoma imzoladi 11 dek, 18:11 285
  • Chexiyadagi otishma: Ostrava kasalxonasida besh kishi o'ldirildi 11 dek, 17:47 311
  • Qoraqalpog‘istonda saksovul o‘g‘rilari ekologiya va IIB xodimlariga hujum qildi 11 dek, 17:25 562
  • Prezident Farmoni asosida 575 nafar shaxs afv etildi 11 dek, 17:02 399
  • Minskda O‘zbekiston fuqarosining pulini o‘margan 21 yoshli qiz qo‘lga olindi 11 dek, 16:42 512
  • Vazirlar Mahkamasining vakolatlari aniq belgilandi 11 dek, 16:19 280
  • Bo‘limlar