Ижтимоий тармоқларда бугундан Ўзбекистонда 10 000 сўмлик банкнот муомалага чиқарилиши ҳақида муҳокамалар бошланди, деб ёзади Соф.уз сайти.Шунингдек, интернетда Ўзбекистон Республикаси Олий Мажлиси Сенати кенгашининг "Ўзбекистон Республикаси Марказий банки томонидан 10000 сўмлик банкноталарнинг чиқарилиши тўғрисида"ги қарори нусхаси тарқалмоқда. Ушбу қарорга Сенат раиси Ниғматилла Йўлдошев имзо чеккан, деб ёзади Кун нашри.
Қарорда банкнот қачондан чиқарилиши ҳақида маълумот йўқ.
Манбаларнинг билдирилишича, банкнот қизил рангда бўлади.
Қайд этиш жоизки, ижтимоий тармоқ фойдаланувчилари бу янгиликни маъқуллашмоқда.
"20.000, 50.000 ва 100.000 сўмликларниям биратўла чиқарвориб, ҳаммаёқда банкоматлар ўрнатиш керак. Фақат, ягона шарти - банкоматларни ўраволадиганларни йўқ қилиш керак"", дея фикр билдирган тармоқ фойдаланувчиларидан бири.