ЎзЛиДеП партияси штабида ўз номзодлари Шавкат Мирзиёевнинг 4 декабрь куни бўлиб ўтган президентлик сайловидаги ғалабаси шарафига торт тайёрлаб қўйишди. Бу ҳақда РИА “Новости” мухбири хабар бермоқда.Партия раиси ўринбосари Мухлисахон Акромова миллий байроқ тусида безатилган ва “Мирзиёев бизнинг президент”, деган сўзлар битилган тортни журналистларга кўрсатган. Унинг сўзларига кўра, ширинлик партия фаоллари томонидан тайёрланган.
"Олдиндан тайёрлаб қўйилган, деб ўйламанг. Буни ҳозир олиб келишди", — деди у.
Партия раиси ўринбосари Мухлисахон Акромованинг РИА “Новости” мухбирига айтишича, Мирзиёев штаби номзод сайловда 80 фоиздан кам овоз олмаган, деб ҳисобламоқда.