“Zamin”ni Telegramʻda oʻqing! Join!
Zamin.uz
, 20 2019, 02:47
ЎЗO‘Z

Amnistiya to‘g‘risidagi qaror matni e’lon qilindi.

11 okt, 17:14 8 791 O‘zbekiston
Amnistiya to‘g‘risidagi qaror matni e’lon qilindi.

O‘zbekiston axborot agentligi O‘zbekiston Respublikasi Oliy Majlisi Senatiga O‘zbekiston Respublikasi Konstitusiyasining yigirma to‘rt yilligi munosabati bilan amnistiya to‘g‘risidagi qarorni qabul qilish haqida kiritgan taqdimnomasini e’lon qildi.

Insonparvarlik prinsiplariga amal qilgan holda, avvalgi amnistiya aktlarini qo‘llash va shaxsga oid ish hujjatlarini o‘rganish natijalari asosida, kelgusida ozodlikdan mahrum etish joylarida saqlash zaruriyati yo‘qolganligini, shuningdek, yoshi va sog‘lig‘ini inobatga olib, quyidagilarni nazarda tutuvchi amnistiya aktini qabul qilish taklif etiladi:

1. Hukm qilingan: ayollarni; jinoyat sodir etgan vaqtda 18 yoshga to‘lmagan shaxslarni; 60 yoshdan oshgan erkaklarni; chet davlatlar fuqarolarini; I va II guruh nogironlarini; sil kasalligining faol shakliga chalingan shaxslarni jazodan ozod qilish (Jinoyat kodeksining 167- va (yoki) 168-moddasida nazarda tutilgan jinoyatni sodir etgan va etkazilgan moddiy zararni qoplamagan, Jinoyat kodeksining 104-moddasi uchinchi qismi “d” bandida nazarda tutilgan, shuningdek, o‘ta og‘ir jinoyatlarni sodir etgan shaxslar bundan mustasno);

2. Ehtiyotsizlik orqasida jinoyat sodir etgan shaxslarni, shuningdek, ijtimoiy xavfi katta bo‘lmagan yoki uncha og‘ir bo‘lmagan jinoyatlarni qasddan sodir etganligi uchun birinchi marta hukm qilingan shaxslarni jazodan ozod qilish (Jinoyat kodeksining 167- va (yoki) 168-moddasida nazarda tutilgan jinoyatni sodir etgan va etkazilgan moddiy zararni qoplamagan shaxslar bundan mustasno);

3. Ozodlikdan mahrum qilish jazosiga hukm qilinib, o‘talmay qolgan jazo muddati uch yildan ko‘p bo‘lmagan, hukmi qonuniy kuchga kirgan mahkumlarni jazodan ozod qilish (Jinoyat kodeksining 167- va (yoki) 168-moddasida nazarda tutilgan jinoyatni sodir etgan va etkazilgan moddiy zararni qoplamagan, Jinoyat kodeksining 97-moddasi, 104-moddasi uchinchi qismi “d” bandida nazarda tutilgan jinoyatlarni sodir etgan shaxslar bundan mustasno);

4. Ayollar; jinoyat sodir etgan vaqtda 18 yoshga to‘lmagan shaxslar; 60 yoshdan oshgan erkaklar; chet davlatlar fuqarolari; I va II guruh nogironlari; sil kasalligining faol shakliga chalingan shaxslarga (Jinoyat kodeksining 167- va (yoki) 168-moddasida nazarda tutilgan jinoyatni sodir etgan va etkazilgan moddiy zararni qoplamagan, Jinoyat kodeksining 104-moddasi uchinchi qismi “d” bandida nazarda tutilgan, shuningdek, o‘ta og‘ir jinoyatlarni sodir etgan shaxslar bundan mustasno) nisbatan barcha jinoyat ishlarini tugatish;

5. Amnistiya aktiga asosan ozod qilinmaydigan shaxslarning o‘talmay qolgan jazo muddatini:

qasddan sodir etgan jinoyatlari uchun o‘n yildan ko‘p bo‘lmagan muddatga ozodlikdan mahrum qilinganlarga — uchdan bir qismiga;

qasddan sodir etgan jinoyatlari uchun o‘n yildan ortiq muddatga ozodlikdan mahrum qilinganlarga — to‘rtdan bir qismiga qisqartirish.

Bunda, Jinoyat kodeksining 97-moddasida nazarda tutilgan jinoyatni sodir etgan shaxslarning jazo muddatini qisqartirmaslik taklif qilinadi;

6. Sodir etilgan jinoiy qilmishlarning ijtimoiy xavflilik darajasi va oqibatlarini hisobga olgan holda:

uzoq muddatga yoki umrbod ozodlikdan mahrum qilishga hukm qilingan;

taqiqlangan tashkilotlar faoliyatidagi ishtiroki, ular tarkibida tinchlik va xavfsizlikka qarshi yoki jamoat xavfsizligiga qarshi jinoyatlar sodir etganligi uchun hukm qilingan;

o‘ta xavfli residivist deb topilgan;

jinoiy uyushma tarkibida jinoyat sodir etgan;

jazoni o‘tash tartibini muntazam ravishda buzayotgan;

muqaddam afv etish yoki amnistiya tartibida jinoiy javobgarlikdan yoki jazodan ozod qilingan va yana qasddan jinoyatlar sodir etgan;

o‘lim jazosi afv etish tartibida ozodlikdan mahrum qilish tariqasidagi jazoga almashtirilgan shaxslarga nisbatan amnistiya aktini tatbiq etmaslik.

Shu bilan birga, taqiqlangan tashkilotlar faoliyatidagi ishtiroki, ular tarkibida tinchlik va xavfsizlikka qarshi yoki jamoat xavfsizligiga qarshi jinoyatlar sodir etganligi uchun birinchi marta ozodlikdan mahrum qilishga hukm etilib, tuzalish yo‘liga qat’iy o‘tgan shaxslarni ham jazodan ozod qilish taklif etiladi.

Bundan tashqari, amnistiya aktida asosiy jazodan ozod etilgan mahkumlarni qo‘shimcha jazodan ozod etmaslik haqidagi normani nazarda tutish maqsadga muvofiq hisoblanadi.

Amnistiya aktini tatbiq etish borasida oshkoralik va shaffoflikni ta’minlashda parlament va jamoatchilik nazorati muhim ahamiyat kasb etishini inobatga olgan holda, mazkur jarayonda senatorlar, deputatlar, fuqarolik jamiyati institutlari va ommaviy axborot vositalarining bevosita ishtirokini nazarda tutish taklif qilinadi.

Samarali profilaktik ahamiyatga ega bo‘lgan amnistiya aktining taklif etilgan toifadagi shaxslarga nisbatan qo‘llanilishi ularni tezroq ijtimoiy reabilitasiya qilish va jamiyatga moslashishiga xizmat qiladi.

O‘zbekiston Respublikasi Konstitusiyasining 93-moddasi 23-bandiga asosan, O‘zbekiston Respublikasi Oliy Majlisi Senatiga O‘zbekiston Respublikasi Konstitusiyasining yigirma to‘rt yilligi munosabati bilan amnistiya to‘g‘risidagi qarorni qabul qilish haqida taqdimnoma kiritilmoqda.

“Zamin” yangiliklarini “Telegram”da kuzatib boring
Mavzuga oid
  • Shavkat Mirziyoyev Saudiya Arabistoniga boradi 19 may, 07:36
  • O‘zbekistonda «Sudyalar oliy kengashi to‘g‘risida» qonun qabul qilindi 17 mar, 21:48
  • 10 ming so‘mlik banknotlar 10 martdan boshlab muomalaga chiqariladi 03 mar, 19:10
  • To‘lovni plastik kartochkadan qabul qilishni rad etgan tadbirkor qariyb 15 mln so‘m jarimaga tortilishi mumkin 22 fev, 06:10
  • O‘zbekistonda yo‘l-qurilish ishlari sifatini nazorat qilish davlat inspeksiyasi tashkil etiladi 16 fev, 10:50
  • O‘zbekistonda 2 sentyabr har yili Islom Karimov Xotira kuni sifatida yod etiladi 25 yanv, 22:11
  • So'nggi yangiliklar
  • 2019 yilning so‘nggi premeralari (video) 20 noya, 00:16 162
  • Falastin bosh murabbiyi O‘zbekistonga mag‘lub bo‘lish sababini aytdi 19 noya, 23:59 281
  • Coca-Cola haqida qiziqarli ma’lumotlar 19 noya, 23:50 298
  • Xotira turlari haqida ma’lumotga ega bo‘ling 19 noya, 23:26 157
  • “Dubai Cup-U23”. O‘zbekiston so‘nggi daqiqalarda urilgan gol evaziga mag‘lubiyatdan qutulib qoldi 19 noya, 23:14 233
  • Gucci brandining tarixi haqida 19 noya, 22:38 235
  • Zelenskiyning o‘zbekistonlik qiyofadoshi Ukraina prezidenti rolini ijro etadi 19 noya, 22:15 498
  • Amerikadagi qullik tarixi 19 noya, 21:51 374
  • Ertaga ayrim hududlarda yomg‘ir va qor yog‘ishi kutilmoqda 19 noya, 21:28 1 141
  • Livanda namoyishchilar parlament binosiga olib boruvchi yo‘llarni yopib qo‘ydi (video) 19 noya, 21:05 164
  • Bo‘limlar