Фейсбук ижтимоий тармоғи фойдаланувчилари турли кўринишдаги 10 000 сўмликларни нетга жойлаб бормоқдалар, дейилади "Дийдоразиз" нашрида.Ўтган ҳафта Ўзбекистоннинг 1-президенти туширилган 10 000 сўмлик фейсбукда машҳур бўлган эди. Фойдаланувчилар Ислом Каримовнинг номини абадийлаштириш мақсадида унинг акси туширилган 10 000 сўмлик чиқаришни таклиф этишганди.
Энди Амир Темур ҳайкали туширилган шу миқдордаги пул бирлиги интернетда пайдо бўлди. Бироқ бу сўмлар борасида биронта расмий маълумотлар берилмаган. Марказий банкнинг расмий сайтида ҳам ҳозирча бу ҳақида ҳеч қандай маълумотлар йўқ.