Болливуд оламидаги сўнгги янгиликларни эътиборингизга ҳавола этишда давом этамиз. Ҳиндистоннинг энг машҳур ҳамда гўзал актрисаларидан бири Деэпика Падуконенинг яна бир янги фильми нафақат мухлислар балки Болливуднинг машҳур инсонлари эътирофига ҳам сабаб бўлмоқда. Бугун эрта тонгда Деэпика Падуконе бош ролни ижро этувчи «Чхапаак» трейлери ҳақидаги маълумотлар оммага ошкор қилинган.
Актриса унинг ижодини қизиқиш билан кузатиб борувчи мухлислари учун ўзининг ижтимоий тармоқлардаги саҳифаларига фильм ҳақидаги маълумотлар, бир неча суратлар ҳамда лавҳаларни жойлаштирди. Фильмда актриса Деэпикага шерик сифатида бош ролни Викрант Массей ижро этган ҳамда уларнинг биргаликдаги ижроси ҳақида анчагина ижобий фикрлар қабул қилинмоқда.
Неҳа Дупиа, кинорежиссёр Сиддарт Малхотра ва спортчи Саина Неҳвал каби бир неча машҳур инсонлар ушбу фильмдаги Деэпиканинг ижросига анчайин юқори баҳо беришган. Кўрамиз, бу фильм ҳам дунё саҳналарини забт эта олармикан?!