“Zamin”ni Telegramʻda oʻqing! Join!
Zamin.uz
, 20 2019, 02:48
ЎЗO‘Z

Yangi tanlov: "Oltin kabutar” mukofoti o‘z egalarini kutmoqda

08 noya, 13:18 1 069 Madaniyat
Yangi tanlov: "Oltin kabutar” mukofoti o‘z egalarini kutmoqda
Ma’lumki, dunyoda ko‘plab nufuzli telekanallarning ijodkorlarni taqdirlaydigan o‘z tanlovlari mavjud. “Mening yurtim” (My5) va “Yoshlar” telekanallari yurtimizda ham ana shunday mukofotni yo‘lga qo‘yishga qaror qilishdi. "Oltin kabutar" deb nomlangan ushbu tanlovda televideniye, san’at va madaniyat hamda kino sohasi vakillari taqdirlanadi.

2019 yilda samarali mehnat qilgan ijodkorlarni tantanali taqdirlash marosimi yurtimizning muhtasham “Istiqlol” san’at saroyida 4 dekabr kuni bo‘lib o‘tadi.

Xo‘sh, “Oltin kabutar”ning boshqa mukofotlardan farqi nimada? Qizig‘i, “Oltin kabutar” g‘oliblarini hakamlar hay’ati aniqlamaydi, aksincha ularni tomoshabinlarning o‘zi ovoz berish yo‘li orqali aniqlashadi.
Buning uchun ishtirokchilar besh bosqichdan o‘tishlari lozim:
Birinchi bosqichda, har bir nominatsiya bo‘yicha 20 nafardan nomzod keng jamoatchilik e’tiboriga havola etiladi va ovozga qo‘yiladi (1-15 noyabr);
ikkinchi bosqichda eng ko‘p ovoz olgan 10 nafar nomzod saralab olinadi va qayta ovozga qo‘yiladi (16-20 noyabr);
uchinchi bosqichda eng ko‘p ovoz olgan 5 nafar nomzod telekanallar orqali tomoshabinlarlarga taqdim etiladi va SMS ovoz berish yo‘li bilan ball yig‘iladi (21-25 noyabr);
to‘rtinchi bosqichda eng ko‘p ovoz olgan 3 nafar nomzod efir orqali tomoshabinlarlarga taqdim etiladi va SMS ovoz berish yo‘li bilan ball yig‘iladi (26 noyabr - 3 dekabr soat 22:00 gacha);
So‘nggi bosqichda 3 nafar nomzodga SMS orqali berilgan ovozlar soni jamlanadi va g‘olib 4 dekabr kuni taqdimot marosimida e’lon qilinadi.

“Oltin kabutar” mukofoti nominatsiyalari:
“Eng yaxshi milliy serial”
“Eng yaxshi aktyor”
“Eng yaxshi videoklip”
“Eng yaxshi estrada xonandasi”
“Eng yaxshi teleboshlovchi”
“Eng yaxshi telejurnalist”
“Eng yaxshi tok-shou”
“Eng yaxshi saundtrek”
“Eng yaxshi ko‘rsatuv”

"Oltin kabutar"ning maxsus mukofotlari:
“O‘zbek san’ati rivojiga qo‘shgan ulkan hissasi uchun”
“O‘zbek televideniyesi rivojiga qo‘shgan hissasi uchun”
“Eng yaxshi murabbiy”.

Bundan tashqari hamkor tashkilotlar bilan birgalikda “Eng yaxshi konsert dasturi”, “Eng yaxshi rejissyor”, “Eng yaxshi badiiy film”, “Yil blogeri”, “Yilning eng faol yoshi”, “Yilning eng yaxshi hunarmandi”, “Yil investori”, “Yilning eng yaxshi ixtirochisi”, “Yilning eng yaxshi arxitektori”, “Yilning eng yaxshi maqom ijrochisi”, “Yil rassomi”, “Yil shifokori”, “Yilning eng yaxshi tadbirkori” kabi rag‘batlantiruvchi mukofotlar ham taqdim etilishi ko‘zda tutilgan.

“Zamin” yangiliklarini “Telegram”da kuzatib boring
Mavzuga oid
  • «Oltin kabutar» parvozda, «Yo‘lovchi» shturvalda 06 noya, 06:35
  • "Oltin to‘p"ni bu yil Krishtianu Ronaldu oladi 28 okt, 23:33
  • Belgiyada kabutar rekord narxga sotildi (foto) 18 mar, 10:17
  • O‘zbekistonda «Oltin humo» milliy kinomukofoti ta’sis etildi 22 yanv, 15:33
  • 14 fevral kuni "E’tirof" mukofoti sovrindorlarini taqdirlash marosimi o‘tkaziladi 30 yanv, 21:36
  • So'nggi yangiliklar
  • 2019 yilning so‘nggi premeralari (video) 20 noya, 00:16 162
  • Falastin bosh murabbiyi O‘zbekistonga mag‘lub bo‘lish sababini aytdi 19 noya, 23:59 281
  • Coca-Cola haqida qiziqarli ma’lumotlar 19 noya, 23:50 298
  • Xotira turlari haqida ma’lumotga ega bo‘ling 19 noya, 23:26 157
  • “Dubai Cup-U23”. O‘zbekiston so‘nggi daqiqalarda urilgan gol evaziga mag‘lubiyatdan qutulib qoldi 19 noya, 23:14 233
  • Gucci brandining tarixi haqida 19 noya, 22:38 235
  • Zelenskiyning o‘zbekistonlik qiyofadoshi Ukraina prezidenti rolini ijro etadi 19 noya, 22:15 498
  • Amerikadagi qullik tarixi 19 noya, 21:51 374
  • Ertaga ayrim hududlarda yomg‘ir va qor yog‘ishi kutilmoqda 19 noya, 21:28 1 141
  • Livanda namoyishchilar parlament binosiga olib boruvchi yo‘llarni yopib qo‘ydi (video) 19 noya, 21:05 164
  • Bo‘limlar