«Замин»ни Telegram’да ўқинг! Join!
Zamin.uz
, 29 2024, 00:51
ЎЗO‘Z

Санъат соҳасида халқаро эксперт Сенатга мурожаат йўллади

08 окт, 20:09 3 263 Маданият
«Замин»ни Telegram’да ўқинг!
Санъат соҳасида халқаро эксперт Сенатга мурожаат йўллади Ҳусниддин Ато
Таниқли мусиқашунос ва санъат соҳасида халқаро эксперт Ҳусниддин Ато Ўзбекистон Олий Мажлиси Сенатига мурожаат йўллади.

Мурожаатда қонунчилик идораси томонидан қабул қилинган тўйлар ва оилавий тантаналарга оид ҳужжатда анъанавий ва халқ мусиқа мероси вакиллари манфаатлари инобатга олинмагани қайд этилган.

Аввал хабар қилинганидек, жорий йил 14 сентябрь куни Олий Мажлис Қонунчилик палатаси ва Сенати кенгашлари қўшма қарор билан «Тўйлар, оилавий тантаналар, маърака ва маросимлар ўтказилишини тартибга солиш тўғрисида»ги Низом тасдиқланди.

Мазкур ҳужжатда тўйлар, оилавий тантаналар ва маросимларда икки нафардан ортиқ хонанданинг (гуруҳнинг) хизмат кўрсатишига йўл қўйилмаслиги белгиланган.

Ҳусниддин Атога кўра, бугун мамлакатимиздаги тўйлар 99 фоиз ҳолатда эстрада ижрочилари иштирокида ўтади. Ушбу шароитда хонанда ёки гуруҳларга иккитагача чеклов қўйилиши анъанавий йўналишда ижод қилаётган санъаткорларнинг маросимларга чақирилиш имконини кескин камайтиради.

«Бизнингча, тўй ва оилавий маросимларда анъанавий ва мумтоз йўналишдаги ижрочилар сони чекланмаслиги керак. Фақат шу йўл билан бебаҳо меросимизни тарғиб этишимиз ва келажак авлодга етказишимиз мумкин», – дейди мурожаат муаллифи.

Экспертнинг хавотир ила қайд этишича, бугун замонавий эстрада ва анъанавий мусиқа бир қозонда қайнамоқда. Оқибатда, ҳамиша давлат муҳофазасига муҳтож бўлиб келган анъанавий мусиқа вакилларининг насибаси қирқилмоқда.

Мурожаатда мамлакат Сенатига тўйларга оид ҳужжатга анъанавий ва мумтоз йўналишдаги санъаткорларга оид алоҳида банд киритиш тавсия қилинган.

Мурожаат муаллифи 2018 йил 24 мартда ҳам Сенатга санъатни ривожлантириш бўйича мактуб йўллагани, аммо таклифлари эътиборсиз қолдирилганини эслатиб ўтган.

Ўзбекистон Бадиий ижодкорлар уюшмаси ҳамда «Transglobal World Music Chart» (ТWМC) аъзоси бўлган Ҳусниддин Ато миллий мусиқий меросни муҳофаза қилишда мустақил ижодкорлар ролига алоҳида аҳамият беришга ундаб келади. Хусусан, анъанавий ва халқ мусиқа меросини тарғиб этишда хусусий секторга давлат ташкилотлари билан тенг имконият ва имтиёзлар берилиши лозим деб ҳисоблайди.

У раҳбарлик қилаётган «OXUS Culture» жамияти ўзбек мумтоз мусиқасини дунё бўйлаб тарғиб этмоқда. Санъаткорлар гуруҳи ҳозирга қадар дунё бўйлаб ўнлаб концертлар ўтказган. Мазкур жамият, шунингдек, хорижда ва мамлакатимизда мунтазам равишда достон ва мақом кечалари ҳам уюштириб келмоқда.
С.Салим




Мавзуга оид янгиликлар
  • Гомернинг «Илиада» асари қадимги чўккан кемаларни топишда ёрдам берди 27 мар, 13:05 141
  • «Ҳайрат» фильми Россия кинофестивалида тақдирланди 26 мар, 22:49 167
  • Ғуломжон Ёқубовнинг созандасига кўнгил қўйган Гулсанам Мамазоитова 43 ёшда (фото) 22 мар, 18:18 1 273
  • Эркаклардан кам бўлмаган муваффақиятга эриша олишини исботлаган аёллар ҳақидаги 10 та фильм 21 мар, 11:10 74
  • Равшан Комилов: “‘Х-фактор’ кўрсатувидан бир тийин ҳақ олганим йўқ” 13 мар, 11:00 353
  • Озодбек Назарбеков: “Энг тўғри йўл – санъаткорлар даромадини мажбурий декларациялаш” 13 мар, 00:30 298
  • Сўнгги янгиликлар
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 1
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 5
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 16
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 10
  • Суперлига. “Динамо” “Металлург” устидан иродали ғалабага эришди 28 мар, 22:51 19
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 20
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 137
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 239
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 17
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 33
  • Қашқадарё вилоятида судья қўлга олинди 28 мар, 20:20 125
  • «Толибон» Москвадаги теракт ташкилотчиларини йўқ қилишга ваъда берди 28 мар, 20:00 449
  • Бўлимлар