Кеча Ёшлар ижод саройида “Tаshkent Fashion Week-2018” мода ҳафталигининг очилиши бўлиб ўтди. Унда Италия, Ҳиндистон, Хитой, Жанубий Корея, Қирғизистон, Тожикистон каби мамлакатлардан соҳа мутахассислар, дизайнер ва экспертлар иштирок этмоқда.
Ҳафталик давомида халқаро тоифадаги ҳиндистонлик дизайнер Риту Берри, италиялик Сабрина Персичино, хитойлик мутахассислар – Ву Венҳи, Чен Чао Чао каби соҳа вакилларининг либослар намойиши ва маҳорат дарслари ўтказилиши кутилмоқда.
Халқаро мода ҳафталиги “Осиё рамзи” Ўзбекистон Республикаси дизайнерлари ассоциацияси ва Тошкент шаҳар ҳокимлиги ташаббуси билан ташкил этилмоқда.