«Замин»ни Telegram’да ўқинг! Join!
Zamin.uz
, 29 2024, 11:32
ЎЗO‘Z

Ҳарвард университети Қуръон оятини адолатнинг энг яхши эътирофи деб топди

24 янв, 08:28 3 695 Жамият
«Замин»ни Telegram’да ўқинг!
Ҳарвард университети Қуръон оятини адолатнинг энг яхши эътирофи деб топди Фото: Harward Law School
Ҳарвард университети Қуръоннинг «Нисо» сураси 135-оятини адолат тушунчасига берилган энг яхши тавсифлардан бири сифатида тан олди.
Оят инсталляция кўринишида университетнинг Юридик факультети кутубхонасига киришда деворга осиб қўйилди, деб хабар бермоқда Islam Today.

Wall of Harvard School of Law/Twitter
«Нисо» (арабча «Аёллар») сурасининг 135-оятида шундай дейилади:
«Эй иймон келтирганлар! Адолат билан туринг ҳамда агар ўзингиз, ота-онангиз ва қариндошларингиз зиддига бўлса ҳам, Аллоҳ учун тўғри гувоҳлик берувчи бўлинг. Агар у бой бўлса ҳам, камбағал бўлса ҳам, Аллоҳ унга яқинроқдир. Ҳавойи нафсга эргашиб, адолатсизлик қилманг. Агар тилингизни бурсангиз ёки юз ўгириб кетсангиз, албатта, Аллоҳ нима қилаётганингиздан хабардордир».

Ҳарвард университети расмий сайтида баён қилинишича, оят инсониятнинг адолат ва қонун устуворлигига бўлган кучли эҳтиёжини эслатиб туради. «Ушбу сўзлар адолат тушунчасининг кучи ва шиддатини кўрсатиб беради», дейилади университет сайтида.

Шунингдек, расмий изоҳда ушбу оят гувоҳлик беришда ҳақиқатни сўзлашнинг муҳимлиги таъкидлангани билан аҳамиятли эканига эътибор қаратилган.
Маълумот учун, «Нисо» сурасининг 135-ояти Шайх Муҳаммад Содиқ Муҳаммад Юсуф муаллифлигидаги «Тафсири Ҳилол»да қуйидагича шарҳланади:

«Гувоҳлик Аллоҳ учун бўлиши керак. Бошқа нарса учун эмас. Бирор шахс учун, қабила учун эмас, ҳизб ёки халқ учун эмас. Фақат Аллоҳ учун бўлиши керак. Ана шундагина адолатли гувоҳлик бўлади. Албатта, одамнинг ўзига қарши гувоҳлик бериши, ота-онасига қарши гувоҳлик бериши осон эмас. Лекин илоҳий таълимот шунга ирода қилади. Гувоҳлик беришда насаб омили ҳисобга олинмаганидек, гувоҳлик берилаётган шахснинг, яъни айбланувчининг ижтимоий ҳолати ҳам эътиборга олинмайди. Ҳавойи нафс ўзини севишга, ота-она ва қариндошларга ён босишга ундаши мумкин. У Зот Ўзи билиб, адолат ила жазонгизни беради. Тилингизни буриб, нотўғри гувоҳлик беришингиз мумкин эмас. Шунингдек, масъулиятдан қочиб, гувоҳлик беришдан юз ўгиришингиз ҳам мумкин эмас».

Оят тафсирида, шунингдек, Муҳаммад (с.а.в) ўз ҳадисларидан бирида: «Гувоҳларнинг энг яхшиси – сўралмасдан гувоҳлик бергувчисидир», деган сўзлари ҳам келтирилган.

Маълумот учун, 1817 йилда ташкил этилган Ҳарвард юридик факультети АҚШнинг энг узоқ тарихга эга, узлуксиз фаолият юритиб келаётган юридик мактаби ҳисобланади. Бир қатор машҳур шахслар, жумладан АҚШнинг 44-президенти Барак Обама ҳам бу мактабнинг битирувчиси саналади.




Мавзуга оид янгиликлар
  • Сирдарёда эгизакларини бир хонали уйга алмаштирмоқчи бўлган ота-онага ҳукм ўқилди 29 мар, 09:36 5
  • Ўзганинг фотосуратлари устига ҳақоратли сўзлар ёзиб, ижтимоий тармоқда тарқатган аёл ушланди 29 мар, 08:48 44
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 98
  • Қашқадарё вилоятида судья қўлга олинди 28 мар, 20:20 212
  • Жиззахда энергия ресурсларидан 7,5 миллиард қарздорликлар мажбурий ундирилди 28 мар, 19:31 54
  • Сурхондарёда ЙТҲда ҳайдовчи аёл ва унинг фарзандлари ҳалок бўлди 28 мар, 19:08 276
  • Сўнгги янгиликлар
  • Шомуродовнинг аҳволи ҳақида маълумот берилди 29 мар, 10:53 0
  • Сўровнома: Нурсултон Рўзибоев 1-раунддаёқ рақибини "ухлатиб" қўяди 29 мар, 10:25 0
  • Роналдунинг либосини кийган таниқли блогер Мессига алоқадор ресторандан ҳайдаб юборилди 29 мар, 10:02 1
  • Сирдарёда эгизакларини бир хонали уйга алмаштирмоқчи бўлган ота-онага ҳукм ўқилди 29 мар, 09:36 5
  • Қозоғистоннинг бир қанча ҳудудлари тошқинлар туфайли сув остида қолди 29 мар, 09:08 17
  • Ўзганинг фотосуратлари устига ҳақоратли сўзлар ёзиб, ижтимоий тармоқда тарқатган аёл ушланди 29 мар, 08:48 44
  • Шоҳжаҳон Эргашев панамалик боксчини биринчи раунддаёқ нокаутга учратди (видео) 29 мар, 08:35 97
  • Оқ уй Украинанинг «Крокус» терактига алоқадорлиги ҳақидаги баёнотларни «тарғибот» деб атади 29 мар, 08:08 64
  • Павел Дуров террор тарғиботчилари блокланаётганини эълон қилди 29 мар, 07:37 41
  • Қон босимини дориларсиз уй шароитида тушириш йўллари 29 мар, 07:07 67
  • Конго шарқидаги жанглар 6 миллионга яқин одамни уйларини ташлаб кетишга мажбур қилди 29 мар, 06:36 42
  • Никол Пашинян: “Арманистон қувғиндаги Тоғли Қорабоғ ҳукуматини тан олмайди” 29 мар, 06:00 105
  • Бўлимлар