Ўз хизмат машинаси ёнида берилиб рақсга тушаётган пост патрул хизмати ходимининг видеоси Facebookда 2,5 мингдан зиёд лайк олди.Фейсбукдаги “Водители Ташкентда” гуруҳида пайдо бўлган ушбу видео аксарият фойдаланувчиларнинг олқишини олди. Гуруҳ аъзолари: “Молодец”, “Красавчик”, “Гап йўқ”, “Илҳом жўш урганда”, “Генерал бўпкет”, “Шу болани ишдан ҳайдаманглар илтимос” каби изоҳлар қолдиришган.
Muhayo Mansur исмли фойдаланувчи ёзишига кўра, ушбу ходимнинг оиласида 3 та қиздан кейин ўғил фарзанд дунёга келган, хурсандчиликнинг боиси шунда бўлса керак.
Элёр Маткурбонов номли фойдаланувчи - “Ичида кири йук одам шунака булади” деб ёзган.
Кўпчиллик жамиятда ана шундай ижобий ҳолатлар кўпаяверсин деб изоҳ қолдирган. Ички ишлар ходимлари орасида шундай позитив ходимлар сони кўпаяверсин!