“Zamin”ni Telegramʻda oʻqing! Join!
Zamin.uz
, 20 2019, 02:46
ЎЗO‘Z

Samarqandda bir oilaning 5 nafar a'zosini o‘ldirgan shaxslar umrbod ozodlikdan mahrum qilindi

06 sen, 12:40 1 631 Jamiyat
Samarqandda bir oilaning 5 nafar a'zosini o‘ldirgan shaxslar umrbod ozodlikdan mahrum qilindi
Foto: Oliy sud
Bugun, 6 sentabr kuni, jinoyat ishlari bo‘yicha Samarqand viloyat sudi binosida sudlanuvchilar G‘olib Tashanov, Jahongir Usmonov, Shamshiddin Esonboyev va Habibullo Nurmanovga nisbatan jinoyat ishini ko‘rib chiqish bo‘yicha sud jarayoni nihoyasiga yetdi va sud hukmi e'lon qilindi.

O‘zbekiston Respublikasi Oliy sudi matbuot xizmati rahbari vazifasini bajaruvchi Aziz Obidovning xabar berishicha, mazkur jinoyat ishi O‘zbekiston Respublikasi Oliy sudi sudyasi Ikrom Muslimov raisligida hamda sudyalar O. Arabov va E. Ergashevdan iborat sud tarkibida ko‘rib chiqildi.

Foto: Oliy sud

Foto: Oliy sud
E'lon qilingan sud hukmiga ko‘ra:

G‘. Tashanov O‘zbekiston Respublikasi Jinoyat kodeksi 270-moddasining (Taqiqlangan ekinlarni yetishtirish) 1-qismi va 273-moddasining (Giyovandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish) 1-qismida nazarda tutilgan jinoyatlarni sodir etganlikda aybsiz, deb topilib oqlandi va jinoyat ishining shu qismi tugatildi.

G‘. Tashanov, J. Usmonov, Sh. Esonboyev va X. Nurmanovning aybidan O‘zbekiston Respublikasi Jinoyat kodeksi 97-moddasi (Qasddan odam o‘ldirish) 2-qismining “o” bandi hamda “p” bandidagi qasddan odam o‘ldirish jinoyatining “uyushgan guruh a'zolari tomonidan yoxud o‘sha guruh manfaatlarini ko‘zlagan holda” sodir etishda ifodalangan malakalovchi belgisi chiqarildi.

G‘. Tashanov, J. Usmonov, Sh. Esonboyev va X. Nurmanovning jinoiy harakatlari O‘zbekiston Respublikasi Jinoyat kodeksi 164-moddasi (Bosqinchilik) 4-qismining “v” bandidan, JKning 33-moddasi talablariga muvofiq, Jinoyat kodeksi 164-moddasi 3-qismining “v”, “g” bandlariga, Jinoyat kodeksi 267-moddasi 3-qismining “b” bandidan Jinoyat kodeksi 267-moddasi 2-qismining “b” bandiga qayta kvalifikatsiya qilindi.

G‘. Tashanov O‘zbekiston Respublikasi Jinoyat kodeksi 97-moddasi 2-qismining “a”, “v”, “j”, “i”, “p” bandlari, 164-moddasi 3-qismining “v”, “g” bandlari, 267-moddasi 2-qismining “b” bandida nazarda tutilgan jinoyatlarni sodir etganlikda aybdor deb topildi. Unga O‘zbekiston Respublikasi Jinoyat kodeksining 59-moddasi tartibida, o‘tash uchun uzil-kesil umrbod ozodlikdan mahrum qilish jazosi tayinlandi. Tayinlangan jazo maxsus tartibli jazoni ijro etish koloniyasida o‘talishi belgilandi.

J. Usmonov O‘zbekiston Respublikasi Jinoyat kodeksi 97-moddasi 2-qismining “a”, “v”, “j”, “i”, “p” bandlari, 164-moddasi 3-qismining “v”, “g” bandlari, 267-moddasi 2-qismining “b” bandi, 276-moddasining 1-qismida nazarda tutilgan jinoyatlarni sodir etganlikda aybdor deb topildi. Unga O‘zbekiston Respublikasi Jinoyat kodeksining 59-moddasi tartibida, o‘tash uchun uzil-kesil umrbod ozodlikdan mahrum qilish jazosi tayinlandi. Tayinlangan jazo maxsus tartibli jazoni ijro etish koloniyasida o‘talishi belgilandi.

Sh. Esonboyev O‘zbekiston Respublikasi Jinoyat kodeksi 97-moddasi 2-qismining “a”, “v”, “j”, “i”, “p” bandlari, 164-moddasi 3-qismining “v”, “g” bandlari, 267-moddasi 2-qismining “b” bandida nazarda tutilgan jinoyatlarni sodir etganlikda aybdor deb topildi. Unga O‘zbekiston Respublikasi Jinoyat kodeksining 59-moddasi tartibida, o‘tash uchun uzil-kesil umrbod ozodlikdan mahrum qilish jazosi tayinlandi. Tayinlangan jazo maxsus tartibli jazoni ijro etish koloniyasida o‘talishi belgilandi.

X. Nurmanov O‘zbekiston Respublikasi Jinoyat kodeksi 97-moddasi 2-qismining “a”, “v”, “j”, “i”, “p” bandlari, 164-moddasi 3-qismining “v”, “g” bandlari, 267-moddasi 2-qismining “b” bandida nazarda tutilgan jinoyatlarni sodir etganlikda aybdor deb topildi. Unga O‘zbekiston Respublikasi Jinoyat kodeksining 59-moddasi tartibida, o‘tash uchun uzil-kesil umrbod ozodlikdan mahrum qilish jazosi tayinlandi. Tayinlangan jazo maxsus tartibli jazoni ijro etish koloniyasida o‘talishi belgilandi.

Mazkur jinoiy ish bo‘yicha sudga raislik qiluvchi tomonidan sudlanuvchilarga va boshqa tomonlarga hukm ustidan shikoyat qilish tartibi va muddati tushuntirildi.

“Zamin” yangiliklarini “Telegram”da kuzatib boring
Mavzuga oid
  • «Ahmadboy ishi»: Uchinchi ochiq sud bo‘lib o‘tmoqda 02 iyul, 21:15
  • «Ahmadboy ishi» bo‘yicha sud davom etmoqda 04 apr, 23:43
  • Ayol kishini tahqirlagan sobiq IIB xodimiga nisbatan sud hukmi oʻqildi 21 noya, 18:30
  • Zokir Aliyevga nisbatan sud hukmi e’lon qilindi 04 iyul, 23:40
  • 100 ming dollar pora olgan Toshkent shahar sudyasi​ 12 yilga qamaldi 07 avg, 19:08
  • So'nggi yangiliklar
  • 2019 yilning so‘nggi premeralari (video) 20 noya, 00:16 162
  • Falastin bosh murabbiyi O‘zbekistonga mag‘lub bo‘lish sababini aytdi 19 noya, 23:59 281
  • Coca-Cola haqida qiziqarli ma’lumotlar 19 noya, 23:50 298
  • Xotira turlari haqida ma’lumotga ega bo‘ling 19 noya, 23:26 157
  • “Dubai Cup-U23”. O‘zbekiston so‘nggi daqiqalarda urilgan gol evaziga mag‘lubiyatdan qutulib qoldi 19 noya, 23:14 233
  • Gucci brandining tarixi haqida 19 noya, 22:38 235
  • Zelenskiyning o‘zbekistonlik qiyofadoshi Ukraina prezidenti rolini ijro etadi 19 noya, 22:15 498
  • Amerikadagi qullik tarixi 19 noya, 21:51 374
  • Ertaga ayrim hududlarda yomg‘ir va qor yog‘ishi kutilmoqda 19 noya, 21:28 1 141
  • Livanda namoyishchilar parlament binosiga olib boruvchi yo‘llarni yopib qo‘ydi (video) 19 noya, 21:05 164
  • Bo‘limlar