Шавкат Мирзиёев янги самолётининг илк суратлари пайдо бўлди (фото)

^{Фото: Facebook}
Интернетда Ўзбекистон Президенти учун махсус тайёрланган Boeing 787-800 Dreamliner самолётининг илк суратлари пайдо бўлди. Sputnik’нинг хабар беришича, бу ҳақда «Буюк келажак» эксперти Раҳмат Собиров Facebook’да маълум қилди.

«Boeing 787-800, Dreamliner VIP, Uzbek Air Force One, Registration No: UK001. MSN: 64435. Байроғимизнинг ранглари жуда ярашибди! Халқнинг хизматини бажаришда Президентимизга кўмакдош бўлсин бу самолёт! Бу самолёт Худо хоҳласа кўп йиллар хизмат қилади. Энди бемалол трансатлантик парвозларни тўхтамасдан амалга оширса бўлади!», — дейилган хабарда.

^{Фото: Facebook}
Эслатиб ўтамиз, шу вақтга қадар Ўзбекистон Президенти хорижий сафарларида Boeing 767-300 самолётидан фойдаланар эди. Ушбу самолётнинг парвоз узоқлиги 6 000 дан 9000 километргача ташкил этади. Boeing 787-800 эса 14 000 километргача тўхтовсиз уча олади.

^{Фото: Facebook}