15 август, пайшанба куни Олмазор тумани ҳокими ўринбосари Абдурасул Ваҳобовнинг «Kun.uz» мухбирларига қўпол муносабатда бўлгани акс этган видеолавҳа эълон қилинган эди.Ушбу ҳолат юзасидан Ўзбекистон журналистлари ижодий уюшмаси, Тошкент шаҳар ҳокимлиги ҳамда Ахборот ва оммавий коммуникациялар агентлиги ўрганиш ўтказаётганини маълум қилди. Депутат Расул Кушербоев журналистларга қўпол муносабатда бўлган ҳоким ўринбосари ўз лавозимини тарк этиши кераклиги ҳақида фикр билдирди.
Тошкент шаҳар ҳокимлиги матбуот хизмати Олмазор тумани ҳокими ўринбосари Абдурасул Ваҳобов билан суҳбатлашди ҳамда ҳолат юзасидан унинг муносабатини эълон қилди.