“Zamin”ni Telegramʻda oʻqing! Join!
Zamin.uz
, 21 2019, 08:18
ЎЗO‘Z

O‘zbekistonda ov turizmini rivojlantirishga qaror qilindi

08 iyun, 12:30 640 Jamiyat
O‘zbekistonda ov turizmini rivojlantirishga qaror qilindi
Joriy yilning 7 iyun kuni Qonunchilik muammolari va parlament tadqiqotlari instituti parlament quyi palatasining Ekologiya va atrof muhitni muhofaza qilish masalalari qo‘mitasi bilan hamkorlikda “Ovchilik va ov xo‘jaligi to‘g‘risida”gi qonun loyihasi muhokamasiga bag‘ishlangan davra suhbati tashkil etildi.

Tadbirda ovchilik va ov xo‘jaligi sohasining bugungi holati, sohadagi mavjud muammolar va ularning yechimi bo‘yicha takliflar muhokama qilindi.

Bugungi kunda respublikada 38 mingdan ortiq ovchilar ro‘yxatga olingan. Mamlakatda umumiy maydoni 406 ming gektar bo‘lgan 5 ta davlat o‘rmon-ov xo‘jaliklari hamda Ovchi va baliqchilar sport birlashmasiga qarashli umumiy maydoni 608 ming gektarni tashkil etuvchi 38 ta ov xo‘jaliklari faoliyat yuritmoqda.

Bugungi kunda ovchilik va ov xo‘jaligi sohasidagi huquqiy baza 10 dan ortiq qonunosti hujjatlaridan iborat. Ushbu sohadagi munosabatlarni tarqoq holda tartibga solishga, huquqni qo‘llash amaliyotida turli qarama-qarshilik va talqinlar, murakkabliklarga olib kelmoqda. Xususan, 2015-2018 yillar mobaynida qariyb 20 mingga yaqin huquqbuzarliklar aniqlangan.

Qonunchilik muammolari va parlament tadqiqotlari instituti tomonidan Qonunchilik palatasining Ekoharakat deputatlik guruhi va Ekologiya va atrof-muhitni muhofaza qilish davlat qo‘mitasi bilan hamkorlikda to‘g‘ridan-to‘g‘ri amal qiluvchi “Ovchilik va ov xo‘jaligi to‘g‘risida”gi qonun loyihasi tayyorlandi.

Ushbu qonun loyihasida barcha masalalar batafsil tartibga solinmoqda. Bu qonun amalga oshirilishi uchun qonunosti hujjatlarining qabul qilinishini talab etmaydi.

Xususan, qonun loyihasida sohaga oid davlat siyosatining asosiy yo‘nalishlari, ov qilish hududlari, ov hayvonlarini tutish normalari va muddatlari, ov xo‘jaligini yuritishning asosiy qoidalari nazarda tutildi. Shuningdek, ov hayvonlari va ularning yashash muhiti ustidan davlat monitoringi tizimi joriy etilishi, ov qilish huquqini tasdiqlovchi hujjatlarning aniq ro‘yxati belgilanmoqda. Qonun loyihasida har bir yovvoyi hayvon turidan kelib chiqib, ularni ovlash uchun to‘lov miqdorlari ilk bor qonun darajasida mustahkamlanmoqda.

Mamlakatda ov turizmini har tomonlama rivojlantirish va mazkur imkoniyatlardan to‘liq foydalanish maqsadida loyihada xorijiy fuqarolar uchun ov turizmining o‘ziga xos xususiyatlari nazarda tutilmoqda.

Qonun loyihasini tayyorlashda ilg‘or xorijiy mamlakatlar, xususan Germaniya, Fransiya, Yaponiya, Turkiya, Rossiya va Qozog‘istonning sohaga oid tajribasi inobatga olinganligi ta’kidlandi.

Tadbirda qonun loyihasini qabul qilish ov hayvonlari resurslaridan oqilona foydalanish, ular hisobini yuritish, ularni ko‘paytirish va tutish normalarini tartibga solishga, ov turizmini rivojlantirishga hamda ov xo‘jaliklari holatini yaxshilashga xizmat qilishi ta’kidlandi, deyiladi Ekologiya va atrof muhitni muhofaza qilish masalalari qo‘mitasi xabarida.

“Zamin” yangiliklarini “Telegram”da kuzatib boring
Mavzuga oid
  • O‘zbekistonda reklama bo‘yicha yangi qoidalar joriy etiladi 07 iyun, 09:00
  • Rossiyada eng yuqori ish haqiga ega faoliyat sohalari maʼlum qilindi 28 mar, 14:30
  • Shavkat Mirziyoyev: Dehqon bu – hayotning baquvvat ustuni, tiriklikning mustahkam tayanchi 09 dek, 17:13
  • Parlament quyi palatasining yangi veb-sayti ishga tushdi 25 noya, 22:46
  • Tadbirkorlik sub’ektlarini internet orqali davlat ro‘yxatidan o‘tkazish masalasi muhokama qilindi 22 okt, 14:22
  • So'nggi yangiliklar
  • «Grin kard» sanasi e’lon qilindi. Yangi talablar bilan 21 sen, 07:40 125
  • Huawei Google ilovalari bo‘lmagan birinchi smartfonini taqdim qildi 21 sen, 07:07 142
  • "Bampermisan, bamper": internetda shov-shuv bo‘layotgan optik illyuziya 21 sen, 06:33 507
  • Urgutda shifoxona yopildi, chaqaloq yo‘lda tug‘ildi (video) 21 sen, 06:00 331
  • Samvel Babayan: “Negadir, birinchi bo‘lib to‘p bizning darvozamizdan o‘rin olyapti” 21 sen, 02:29 262
  • O‘zbekiston yakka sayyohlar uchun eng xavfsiz davlatlar qatoridan joy oldi 21 sen, 00:15 238
  • Britaniyalik olimlar: «Mashhur Damashq po‘latining vatani — O‘zbekiston» 20 sen, 23:53 318
  • Aleksandr Xomyakov: "Dinamo"da ahvol yaxshi emas" 20 sen, 23:30 285
  • Senator to‘y uchun taklifnoma tarqatmay, ko‘chama-ko‘cha jar solinishini qoraladi 20 sen, 23:04 417
  • Iqbol Mirzo: «O‘tgan yili shu taklifga qarsakbozlik qilganlar dabdabali to‘ylarning boshida turganini ko‘rdik» 20 sen, 22:38 537
  • Bo‘limlar