“Zamin”ni Telegramʻda oʻqing! Join!
Zamin.uz
, 16 2019, 07:41
ЎЗO‘Z

Xalqaro musobaqada Oʻzbekiston Mudofaa vazirligi harbiylari 2-oʻrinni qoʻlga kiritdi

06 okt, 12:55 1 876 Jamiyat
Xalqaro musobaqada Oʻzbekiston Mudofaa vazirligi harbiylari 2-oʻrinni qoʻlga kiritdi
Rossiya Federatsiyasida Mustaqil Davlatlar Hamdoʻstligiga aʼzo mamlakatlarning doʻstona armiyalari oʻrtasida togʻ uch kurashi boʻyicha musobaqa oʻtkazildi. 3 kun davom etgan bahslarda Oʻzbekiston jamoasi munosib ishtirok etib, umumjamoa hisobida 2-oʻrinni qoʻlga kiritdi. Bu haqda Mudofaa vazirligi matbuot xizmati xabar berdi.

5 oktyabr kuni erta tongda Toshkent xalqaro aeroportida ishtirokchilarni tantanali kutib olish marosimi boʻlib oʻtdi.
Musobaqa Rossiya Federatsiyasi Mudofaa vazirligi togʻ tayyorgarligi va yashovchanlik markazi bazasida – Yevropa qitʼasining eng baland nuqtasi – Elbrus choʻqqisi yonbagʻirlarida tashkil etildi. Yakka va jamoaviy tartibda toshli qoyaga chiqish, togʻ toʻsiqlari yoʻlagidan oshib oʻtish va jangovar holatda 5 kilometr masofaga marsh yugurib, oʻqotar qurollardan otish kabi maxsus murakkab shartlardan iborat.

Oʻzbekistonlik shartnoma boʻyicha harbiy xizmatchi oddiy askar Ramazon Mamadiyev birinchi imkoniyatdayoq barcha nishonlarni yoʻq qildi va 26 daqiqayu 26 soniyali koʻrsatkich qayd etib, 5 km masofaga marsh yugurishda kuchli uchlikdan joy oldi.

Yana bir hamyurtimiz togʻ toʻsiqlari yoʻlagidan oʻtishda tengsiz ekanini namoyish etdi. U mazkur toʻsiqli yoʻlakni 6 daqiqayu 54,8 soniyada oʻtib, 3 ta granatani aniq nishon gabaritiga uloqtirishga erishdi.

Umumiy natijalarga koʻra, oʻzbekistonlik harbiylar 1-mashq boʻyicha 2-oʻrin, 2-mashq boʻyicha 1-oʻrin va 3-mashq boʻyicha durrang natija koʻrsatib, ochkolar hisobi boʻyicha 2-oʻrinni egalladi. Birinchi oʻrinni Rossiya Federatsiyasi va uchinchi oʻrinni Qozogʻiston Respublikasi vakillari egalladi.

– Oʻzbekiston jamoasi ushbu bellashuvga jiddiy hozirlik koʻrib, jamoa tarkibidagi toʻrt nafar ishtirokchi Boʻstonliq tumanidagi Chimyon togʻ bagʻirlarida malakali mutaxassislar koʻmagida mashgʻulotlar olib borgan edi, – deydi jamoa murabbiyi mayor Dilshod Hudoyberganov.

Maʼlumot uchun, joriy yilning aprel oyidan sentyabr oyiga qadar MDHga aʼzo davlatlar doʻstona armiyalari doirasida harbiy-amaliy sportning 7 ta turi boʻyicha musobaqalar oʻtkazildi. Sentyabr oyida oʻtkazilgan “Armiya qoʻl jangi” yoʻnalishi boʻyicha chempionat birinchi marotaba Toshkentda oʻtkazildi va unda oʻzbekistonlik harbiy sportchilar umumjamoa hisobida birinchi oʻrinni qoʻlga kiritgan edi. Shuningdek, “Komandirlik startlari” va “Sport oriyentirlanishi” Rossiya Federatsiyasida, “Koʻp kurash harbiy sport kompleksi” iyun oyida Belarus Respublikasida, “Ofitserlar uch kurashi” va “MP-3 va KA-3 mashqlarida shtatdagi yoki shtatga ilova qilingan jadvaldagi qurollardan otish” avgust oyida Qirgʻiziston Respublikasida boʻlib oʻtgan edi. “Komandirlik startlari startlari” va “Koʻp kurash harbiy sport kompleksi” musobaqalarida Oʻzbekiston harbiylari ikkinchi oʻrinni egallagani haqida oldin xabar berilgan.

“Zamin” yangiliklarini “Telegram”da kuzatib boring
Mavzuga oid
  • Butunjahon koʻchmanchi xalqlar oʻyinlarining ikkinchi kunida 8ta medal qoʻlga kiritildi 05 sen, 17:43
  • O‘zbekiston harbiylari xalqaro musobaqada rekord o‘rnatishdi (video) 04 iyul, 07:23
  • Shavkat Mirziyoyev bugun dunyo bo‘yicha 2-o‘rinni olgan razvedkachilar bilan uchrashdi (video) 17 fev, 23:05
  • ARMI-2017: “Xavfsiz yo‘nalish” tanlovida O‘zbekiston jamoasi bronza medalini qo‘lga kiritdi 07 avg, 15:38
  • O‘zbekistonlik o‘quvchilar tarixda ilk marta matematika musobaqasida oltin medallarni qo‘lga kiritdi 01 avg, 07:36
  • So'nggi yangiliklar
  • Kutib oling yangi innovatsion texnologiya: oynasiz samolyotlar (video) 16 noya, 07:30 39
  • Professional fotograf mukammal Instagram rasmlarining sirini fosh etdi (foto) 16 noya, 07:00 130
  • Bill va Melinda Geyts Jamg‘armasi 16 noya, 06:30 103
  • Farzandsiz kishi 9ta maktab o'quvchilarining bir choraklik tushlik pulini to'ladi 16 noya, 06:00 199
  • Singapur haqida qiziqarli ma'lumotlar 16 noya, 00:30 430
  • Qizil vino ichib turasizmi? Unda uzoq yashashingiz aniq 16 noya, 00:06 632
  • Pavel Bugalo Suyunovning harakatlari va o‘tkazilgan gollar bo‘yicha izoh berdi 15 noya, 23:42 519
  • O‘zbekistonda kamida 20ta yirik davlat korxonasi xususiylashtirilishi kutilmoqda 15 noya, 23:30 388
  • Prezident huzurida xorijiy investorlar kengashi tuzildi 15 noya, 23:18 125
  • Yuriy Stoyanov: "Men barchadan O‘zbekistonni sevishni talab qilaman" 15 noya, 22:55 424
  • Bo‘limlar