2019 йилда онлайн аукцион орқали 36000 дан ортиқ автомобиль рақамлари сотилди. Ўтган йили "чиройли" авторақамлардан Республика бюджетига 156,1 миллиард сўм тушган. Бу ҳақда Республика товар-хом ашё биржаси хабар берди.
Ўтган 12 ой давомида 36,3 минг авторақамлар сотилган. Бу 2018 йилгидан 28% кўпдир. Ҳар бир савдо учун ўртача сумма 4,3 миллион сўмни ташкил этди.
Эслатиб ўтамиз, аукцион орқали сотилган авторақамлардан тушган маблағнинг 80 фоизи давлат бюджетига тушади. 20 фоизи ИИВнинг махсус жамғармасига ўтказилади.