Фото: «Pixabay.com»Шифокор-диетолог Елена Соломатина «Кимлар мандарин емагани маъқул?» деган саволга жавоб берди, деб
ёзади «Xabar.uz» нашри.
Соломатинанинг сўзларига кўра, мандарин жуда фойдали. Негаки, таркибида витаминлар, микро- ва макроэлементлар, антиоксидантлар жуда кўп. Шунингдек, унинг айтишича, мандарин таркибида замбуруғлар ўсишини тўхтатадиган ва бактерицид таъсир кўрсатадиган моддалар бор.
Шифокорнинг таъкидлашича, мандаринни, айниқса, куз-қиш мавсумида вирусли касалликларнинг олдини олиш мақсадида ейиш лозим.
Бироқ гастрит, меъда кислотаси ошишиши, ошқозон-ичак йўли касалликларидан қийналаётганлар мандарин ейишдан ўзларини тийганлари маъқул. Унинг фикрича, ҳатто соғлом одам ҳам оч қоринга мандарин еганда нохушликни ҳис қилади.