Бодом — энг фойдали ёнғоқлардан бири: унинг шарофати билан одам ортиқча вазндан қутулади, сочи қалинлашади, териси силлиқлашади. Энг муҳими — меъёрни унутмаслик керак. «Рамблер» бодом ҳақида муҳим фактларни келтириб, ушбу ёнғоқни ҳар куни ейиш қандай натижаларга олиб келиши ҳақида маълумот берди.Қонда қанд миқдорини назорат қиласиз
Бодом таркибида магний бор. 50 г ёнғоқ мазкур минералга бўлган кунлик меъёрнинг ярми билан таъминлайди. У қонда глюкоза даражасини камайтиришга ҳамда инсулинга сезгирликни оширишга кўмаклашади. Статистикага кўра, тахминан 40 фоиз 2-тип диабетиклар магний танқислигидан қийналишади. Шу боис ушбу минералли биоқўшимчаларни қабул қилишга мажбур бўлади.
Соч қалин ва мустаҳкам бўлади
Бодом таркибида Е витамини бор. Унинг шарофати билан соч қалинлашиб, яхшироқ ўсади. У ҳатто калликдан қийналаётган одамларга ҳам ёрдам беради.
Хотира яхшиланади
Бодом таркибидаги альфа-линол кислота ва антиоксидантлар хотирага ижобий таъсир кўрсатади ҳамда депрессия ривожланишидан қутқаради.
Вазнни назорат қилади
Юқори калорияли бўлишига қарамай, бодом озишга кўмаклашади. 28 г бодом (14-15 дона) — 160 калорияга эга. Бу рухсат этилган кунлик меъёр бўлиб, турган-битгани фойда. Ёнғоқ таркибидаги ёғ сўрилмайди, негаки ҳазм қилувчи ферментлар унга ҳеч қандай таъсир ўтказмайди. Ёнғоқда ёғ билан бирга клетчатка ҳам кўп бўлиб, у ошқозонда шишади ва узоқ вақтгача тўқлик ҳиссини сақлаб қолади.
Тери силлиқ ва таранг бўлади
Бодом таркибида «ёшлик витамини» — токоферол (Е витамини) ва марганец бисёр. Е витамини мимик ажин тушишининг олдини олса, марганец коллаген ишлаб чиқаришда етакчи.