Япониянинг Тохо университети мутахассислари бир кун ухламаслик диабет хасталиги келиб чиқишининг бош сабабчиси эканлигини аниқладилар. Улар бу хулосага ҳайвонлар билан ўтказилган тажриба асосида келдилар, дея хабар берди “Ҳордиқ” нашри.Япон тадқиқотчилари тажрибани кемирувчилар устида олиб боришди. Кемирувчилар икки гуруҳга бўлинди, ҳар бир гуруҳга ёғли маҳсулотлар ҳамда сув берилди. Тадқиқот давомида гуруҳлардан бири олти соат давомида уйқусиз қолдирилди, иккинчи гуруҳ одатдагидек тартибда дам олди. Натижа шуни кўрсатдики, уйқусизлик жигарни глюкоза ишлаб чиқариш қобилиятига, шунингдек, инсулинни синдиришга таъсир қилган. Бу асосда 2-тоифа диабет ривожланиши ва жигар касаллиги (стеатоз) ривожланишининг хавфи ошган.