Бугунги кунда Америка Қўшма Штатлари ҳақида гап кетганда кўзингиз олдида дарҳол Озодлик Ҳайкали гавдаланади. Озодлик маъбудаси 1886 йилда Озодлик оролида жойлашган Нью-Йорк кўрфазида қад ростлади. Франциядан АҚШ мустақиллигининг юз йиллик совғаси ҳисобланган Озодлик маъбудаси дастлаб шоир ва анттиславия фаоли Эдуард де Лабоулайнинг онасининг протатипи эди. Катта ҳажмдаги ишларда тажриба ўтказган француз ёш ҳайкалтароши Фредерик Августа Бартолди Лабоулайнинг ҳайкал ғоясини астойдил қўллаб-қувватлаган ва дизайнни яратишни бошлади. Улар ушбу ҳайкалтарошлик ишида Париждаги Эйфел минорасининг қурилиш механизмларидан фойдаланишган. Негаки, жуда баланд ҳамда оғир ҳажмли ушбу ҳайкал қаддини тик тутиб туришида синалган муҳандисларнинг ишидан нусха олиш асқотарди.
Ҳайкалнинг ички тузилиши учун 200000 кг темир ва устки кўриниши учун 100 тонна мис ишлатилган. Франция қурилган ҳайкални Америкага Атлантика океани бўйлаб 350 та қисмга бўлаклаб олиб ўтди. Ҳайкалнинг баландлиги 34 метр бўлиб, агарда қўлидаги машаъла ва тагидаги платформани ҳам қўшиб ҳисобланса, 93 метрга етади. Унинг ўнг қўли 24 каратли тилладан ясалган машъалани ушлаб туриш учун юқорига чўзилган ва бошида етти қиррали тож қўндирилган бўлиб, у еттита қитъа ва еттита денгизни англатади.
Оёқларида cинган кишанлар тасвирланган бўлиб, бу озод бўлган аёл тимсолидир. Ҳайкалнинг номига тўхталадиган бўлсак, Рим маъбудаси Либертас шарафига номланган, маъбуданинг тўлиқ номи эса Liberty Enlightening the World (Дунёни Ёритувчи Озодлик) деган маънони англатади. Бугунги кунда ушбу ҳайкал жойлашган манзил энг гавжум ва машҳур сайёҳлик манзилгоҳларидан бирига айланган.