Фото: «Fightnews.info» Аралаш жанг (MMA) курашчиси Ҳабиб Нурмагомедовнинг отаси Абдулманноп Нурмагомедов журналистларга берган интервьюсида иккинчи хотинга уйланиш режасини очиқлади.
«Битта хотиним бор, иккинчисини мўлжаллаб турибман. Учинчисини... билмадим», — дейилади, хусусан, катта Нурмагомедовнинг интервьюсида. У шунинг баробарида аёлларга доим ҳурмат билан муносабатда бўлиш кераклигини қўшимча қилган.
Абдулманноп Нурмагомедов — Россияда хизмат кўрсатган мураббий. Энг муваффақиятли мутахассис сифатида Россиянинг Гиннесслар китобига киритилган: фаолияти давомида турли яккакурашлар бўйича 18 нафар жаҳон чемпионини тайёрлаган. Россия қонунчилиги фуқароларга бир пайтнинг ўзида фақат бир инсон билан никоҳда бўлишларига рухсат беради...